वीरगञ्ज – पर्साको बहुदरमाई नगरपालिका–९ विश्रामपुरस्थित भंगी साह उच्च माध्यमिक विद्यालयका आन्दोलित विद्यार्थीहरु आजदेखी पनः पठनपाठन सुरु गरेका छन् । विद्यालयमा दरबन्दी अनुसारको शिक्षक नहुँदा पठनपाठन प्रभावित भएपछि कक्षा ९ र १० का विद्यार्थी आन्दोलनमा उत्रिएका थिए ।
आइतबार प्रदर्शनमा उत्रिएका विद्यार्थीहरुले विद्यालयको मुख्य प्रवेशद्वारमा लगाएका तालाबन्दी आज सोमबार खुलेको छ । उनीहरुले सबै विद्यार्थी मिलेर विद्यालय बन्द गरेको, शिक्षक प्रयाप्त उपलब्ध गराउनुपर्ने, बिषयको अध्यापन हुनुपर्ने र शिक्षक समयमा आए पढाउनुपर्ने माग विद्यालयको मुख्य प्रवेशद्वारमा तालाबन्दी गरेर टाँसेका थिए । विद्यार्थी,अभिभावक,स्थानीय , शिक्षकबिच छलफलमा तालाबन्दी खोल्ने सहमति भएको हो ।
छलफलमा समस्या समाधान गरिने , साथै एघार सदस्य अनुगमन समितिको गठन गर्ने र उक्त समितिले शिक्षक,विद्यार्थी र जन प्रतिनिधिहरुलाइ समन्वय गरि स्कुलमा देखिएको प्रत्येक समस्यालाई अध्यन गरि समाधान गर्ने निर्णय भएको स्थानीय राकेश यादवले बताए । तालाबन्दी खुलेपछि अहिले कक्षा कोठाभित्र पठनपाठन सुरु भएको छ ।
मावि तहमा दिनको ७ घण्टी पढाइ हुन्छ । कक्षा ९ र १० मा गरेर १४ घण्टी पढाउनुपर्ने हुन्छ । तर प्रधानाध्यापक सहित मावि तहमा जम्मा ४ जना मात्र शिक्षक छन् । प्रधानाध्यापक कामले बाहिर जाँदा होस वा एउटा शिक्षक विदामा बस्ने वित्तिकै पठन पाठनमा समस्या हुने गरेको विद्यार्थीहरु बताउँछन् । विद्यालयमा सामाजिक, स्वास्थ्य, अंग्रेजी, गणित, अर्थशास्त्रका शिक्षक नभएको उनीहरु बताउँछन् । नगरपालिका र वडामा नयाँ जनप्रतिनिधि निर्वाचित भएर आएपछि पनि विद्यालयको समस्याप्रति ध्यान नदिएको गुनासो विद्यार्थीको छ ।
जिल्ला सदरमुकाममै रहेपनि यस विद्यालयमा पछिल्लो तीन शैक्षिक सत्रदेखि एक जना पनि विद्यार्थी भर्ना भएका छैनन् । विद्यालयका प्रधानाध्यापक श्यामकुमार यादवले अभिभावकहरुले नै विद्यार्थी नदिएपछि आफूहरु कामविहिन भएको भएको बताउनुहुन्छ ।
पर्साका मीटरब्याजी पीडितहरु भोली बुधबार पत्रकार सम्मेलन गर्ने लागेका छन । सरकारले भदौ ५ गतेभित्र उजुरी दिन भनेको थियो । तर कतिपय मीटरब्याजी पीडितहरुलाई उजुरी दिएका छैन् । ग्रामिन क्षेत्रमा सुचनाको कमिले उजुरी दिनबाट बन्चित भएका छन् । अहिले दिनहुँ उजुरी जिल्ला प्रशासन कार्यालय पुग्ने गरेका छन् । पर्सामा मीटरब्याजीविरुद्ध ८२ ओटा उजुरी परेको छ ।
गृहमन्त्रीले दिएको जानकारीअनुसार सबैभन्दा बढी मधेस प्रदेशबाट अहिलेसम्म १ हजार ३ सय ३० उजुरी परेको छ । कुल उजुरीको करिब ६८ प्रतिशत मधेस प्रदेशबाटै आएको छ । त्यस्तै लुम्बिनी प्रदेशबाट २११ उजुरी परेको छ । त्यसैगरी वाग्मतीबाट २०२, प्रदेश १ बाट ९२, सुदूरपश्चिमबाट ४५, गण्डकीबाट ३५ र कर्णालीबाट २२ वटा उजुरी परेको गृहमन्त्री खाँणले जानकारी दिए ।
‘मतदातालाई प्रभावित पार्ने एवम् निर्वाचनको स्वच्छता र निष्पक्षतामा प्रभाव पार्ने निर्वाचन पूर्वाधार विकास कार्यक्रम वा पूर्वाधार विकास कार्यक्रम वा सोही प्रकृतिका योजना र बजेटमा नतोकिएका कुनै पनि नयाँ आयोजना तथा कार्यक्रम सञ्चालन तथा कार्यान्वयन नगर्न नगराउन नेपाल सरकार, सात वटै प्रदेश सरकार र ७५३ वटै स्थानीय तहहरूलाई आयोगले निर्देशन दिएको छ’ आयोगद्वारा जारी विज्ञप्तिमा भनिएको छ ।
प्रतिक्रिया दिनुहोस्