वीरगञ्जमा न्यूनतम पारिश्रमिक निर्धारण समितिको पत्रकारहरु संगको छलफल सम्पन्न

श्रमजीवी पत्रकार ऐन कार्यान्वयनको अवस्था, चुनौती र भावी रणनीति बारे न्यूनतम पारिश्रमिक बारेमा समितिले वीरगञ्जमा छलफल गरेको छ ।

सम्वादाता | २०७९ जेठ १३ गते ००: ०० मा प्रकाशित

वीरगञ्ज - न्यूनतम पारिश्रमिक निर्धारण समितिले पर्साका पत्रकारहरु संग आज छलफल गरेको छ । श्रमजीवी पत्रकार ऐन कार्यान्वयनको अवस्था, चुनौती र भावी रणनीति बारे न्यूनतम पारिश्रमिक बारेमा समितिले छलफल गरेको हो । हाृटेल कुमु प्यालेस आयोजित छलफलमा सहभागी पत्रकाहरुले न्यूनतम पारिश्रमिक निर्धारण समितिले श्रमजीवी पत्रकार ऐन कार्यान्वयन गराउनमा केन्द्रित हुने सुझाव दिएका थिए ।

पत्रकारहरुको समस्या जिल्ला जिल्लामा पुगेर सुन्न र बुझ्न आउने न्यूनतम पारिश्रमिक निर्धारण समितिले पारिश्रमिक समयमा उपलब्ध गराउन महत्वपुर्ण भुमिका खेल्न आग्रह गरेका थिए । नेपाल पत्रकार महासंघ पर्साका अध्यक्ष अनुप तिवारीको अध्यक्ष्तामा भएको कार्यक्रममा न्यूनतम पारिश्रमिक निर्धारण समितिका सदस्यद्वय विमला पाण्डे, गोपाल तिवारी , नेपाल पत्रकार महासंघका केन्द्रिय सचिव दिपेन्द्र चौहान , मधेश प्रदेश महासचिव श्याम बन्जारा सहितका २० जना पत्रकाहरु सहभागी थिए । छलफलको सहजीकरण नेपाल पत्रकार महासंघ पर्साका सचिव भुषण यादवले गरेका थिए ।

प्रतिक्रिया दिनुहोस्