पूर्व मेयर सरावगीको महत्वकांक्षी योजना ‘उज्यालो वीरगन्ज’ मा व्यापक अनियमितता
वीरगन्जका मेयर राजेशमान सिंहले विगतमा भएका अनियमितता छानबिन गरिने बताए । सम्झौता विपरित भएका कामहरु छानबिन गर्न कर्मचारीलाई निर्देशन दिइएको उनले जनाए ।
वीरगन्ज– वीरगन्ज महानगरपालिकाका पूर्व मेयर विजय सरावगीको महत्वकांक्षी योजना ‘उज्यालो वीरगन्ज’ अभियानमा व्यापक अनियमितता भएको पाइएको छ । आफ्नो ५ वर्षे कार्यकालमा गरेका उत्कृष्ट कार्यहरु मध्ये वीरगन्ज सहरलाई उज्यालो पार्ने योजनालाई पनि पूर्व मेयर सरावगीले महत्वकांक्षी अभियान बताउने गरेका थिए ।
तर, त्यही योजना करोड भन्दा माथि अनियमितता भएको महालेखा परीक्षकको कार्यालयले पुष्टि गरेको छ । खरिद प्रक्रिया देखि लिएर बत्तीको गुणस्तर र आवश्यकता भन्दा बढी सामाग्री खरिद गरि भुक्तानी गरिएको महालेखा परीक्षकको वार्षिक प्रतिवेदन २०७९ ले औल्याएको छ ।
वीरगन्जका मेयर राजेशमान सिंहले विगतमा भएका अनियमितता छानबिन गरिने बताए । सम्झौता विपरित भएका कामहरु छानबिन गर्न कर्मचारीलाई निर्देशन दिइएको उनले जनाए । वीरगन्ज महानगरपालिकाको ३२ वटै वडामा फिफ्त प्रणालीबाट ४०, ६० र १०० वाट क्ष्ँमताको १२ हजार ७ सय सडक वत्ती जडान गर्न भ्याट सहित २३ करोड ९६ लाख २४ हजारमा ठेक्का लगाएको थियो ।
सुर्योदय उर्जा टपसन इनर्जी जेभीले २०७७ जेठ १९ देखि कार्य सुरु गरि २०७९ असार १५ सम्ममा सम्पन्न गर्ने सम्झौता गरेका थिए । ठेकेदार कम्पनीले जडान गरेको थोरै समयमा धेरै बत्तीहरु बिग्रिएको पाइएको महालेखाको प्रतिवेदनमा उल्लेख छ । अधिकांश बत्तीहरु जडान पश्चात तुरुन्तै बिग्रिएको भनी जनस्तरबाट गुनासो र उजुरी आएपछि छानबिन थालिएको थियो ।२०७९ असार २१ मा महानगरले आन्तरिक छानबिन समिति गठन गरी विद्युत शाखाले पेश गरेको विवरण अनुसार २५ प्रतिशत बत्तीहरु बिग्रेको प्रतिवेदनमा उल्लेख छ ।
यति धेरै अनुपातमा बत्तीहरु बिग्रिनुले बत्तीको गुणस्तरमा थप संशय पैदा गरेको छ । बत्तीको गुणस्तर नापजाच नगरि महानगरले ठेकेदारलाई भुक्तानी गरेको पाइएको छ । चौथो रनिङ बीलको भुक्तानी गर्नु अघि नेपाल गुणस्तर तथा नाप तौल विभागमा गुणस्तर नापजाच गर्न पत्राचार गरेको थियो । विभागबाटै नापजाच गर्ने उपकरण र प्रविधि नरहेको भन्ने जवाफ प्राप्त भएपछि चौथो बिलको भुक्तानी गरेको पाइएको छ ।
सम्झौता अनुसार आयात भएको प्रत्येक लटको सामानको गुणस्तर परीक्ष्ँण गरेर मात्र भुक्तानी दिन मिल्छ । चौथो रनिङ बिलको रकम भुक्तानी गर्दा सप्लायर्सको नाममा मालसामान आपूर्ति गर्ने लटको गुणस्तर परीक्षण गरिएको छैन् । ‘भारतबाट नेस्सा कम्पनीको बत्ती आपूर्तिकर्ताले नेपालमा आयात गरेको भुक्तानी अघि प्रत्येक लट र ब्याचको सामानको प्रमाण खुल्ने गरी परीक्षण गरेको प्रमाण पेश नगरी भुक्तानी गरेको छ,’ महालेखा प्रतिवेदन भन्छ, ‘यसरी तोकिएको गुणस्तर प्रमाण यकिन नगरी भुक्तानी भएकोले खरिद प्रक्रिया अनियमित देखिएको छ ।’
बढी भुक्तानीमहानगरपालिकाले उज्यालो वीरगन्ज कार्यक्रमलाई निरन्तरताको लागि उक्त कार्यक्रमले नभ्याउने तथा आवश्यक ठाउहरुमा बिजुली बत्ती जडान वापत ३ वटा फरक शीर्षकहरुमा १ करोड ४५ लाख ३० हजार बजेट विनियोजन गरेकोमा ६० लाख ७३ हजार खर्च गरेको छ । सार्वजनिक खरिद ऐनमा २५ प्रतिशतभन्दा माथिको भेरियसनमा सार्वजनिक निकायको हकमा नेपाल सरकार मन्त्रिपरिषद्ले स्वीकृत गर्नुपर्ने व्यवस्था छ ।
पालिकाले सडक बत्ती खरिद तथा जडान कार्यका लागि इसोनिक ट्रेड सप्लायर्सलाई १३ लाख ४३ हजार भुक्तानी गरेको छ । जबकि उक्त कार्यको लागत अनुमान २४ लाख ९९ हजार रहेकोमा उक्त फर्मले ९ लाख ३० हजार अर्थात ६२.७६ प्रतिशत घटीमा कबोल गरेकोमा ४४.३ प्रतिशत बढीको खरिदमा भेरिएसन आदेश स्वीकृत नगरी सम्झौता भन्दा ४ लाख १२ हजार रुपैया बढी भुक्तानी गरेको प्रतिवेदनमा उल्लेख छ । खरिद भएन सस्तो दरमा कबूल गरिएका सामग्रीमहानगरपालिकाले १५ वाटको एलईडी ल्याम्प एक हजार ७० थान अनुमान गरेकोमा २ हजार ५ सय थान खरिद गरेको छ ।
यसैगरि २० वाटको एलईडी ल्याम्प २ हजार अनुमान गरेकोमा एक थान पनि खरिद गरिएको छैन् । ४० क्वाइल तार अनुमान गरिएकोमा ८० क्वाइल तार खरिद गरिएको छ । १५ वाटको एलईडी ल्याम्पको कबोल अंक ३७५ रुपैया प्रति थान छ भने २० वाटको एलईडी ल्याम्पको कबोल अंक ५ रुपैया प्रति थान रहेको छ । १ एमएम कपर वायरको कबोल अंक २ हजार रुपैया प्रति क्वाइल छ भने ०.७५ एमएम कपर वायरको कबोल अंक २० रुपैया प्रति क्वाइल रहेको छ ।
‘उच्च कबोल अंकका सामान खरिद गर्ने तर न्यून कबोल अंकका सामान खरिद नगर्ने कार्य स्वभाविक देखिदैन्,’ महालेखाको प्रतिवेदनमा भनिएको छ, ‘पालिकाले यससम्बन्धमा अध्ययन विश्लेषण गर्नुपर्ने देखिन्छ । ’ जानकारका अनुसार उज्यालो वीरगन्ज कार्यक्रमलाई निरन्तरता दिन तथा थप सडक बत्ती खरिद कार्यका लागि महानगरपालिकाले बनाएको लागत अनुमान आवश्यकता र औचित्यको आधारमा तयार भएको पाइएको छैन् । यसको साथै सबै बल्ब तथा सम्बन्धित सामाग्रीहरु खर्च निकासा लेखिसकेकोमा समेत जडान प्रतिवेदन पेश नगरिएको महालेखाको प्रतिवेदनले औल्याएको छ । ५४ लाख ५६ हजार रुपैया बराबरको बल्ब, कवाइल, होल्डर र तारको जडान प्रतिवेदन तथा वडासग नदोहोरिएको कागजात पेश गर्न महालेखाले निर्देशन दिएको छ ।
श्रमाधान योजना भित्रका सात कार्यक्रमलाई क्रमिक रुपमा सञ्चालनमा ल्याइने मन्त्रालयले जनाएको छ । पहिलो चरणमा श्रमाधान कल सेन्टर सञ्चालन गरिने श्रममन्त्री डोल प्रसाद अर्यालले बताए ।
अख्तियारले जयसवालसमेतका विरुद्ध गत वर्ष ३ जेठमा र २४ साउनमा गैरकानुनी लाभका दुई मुद्दा दायर गरेको थियो। यसैगरी, २० असार २०८० मा झुट्ठा विवरण पेस गरी भ्रष्टाचार गरेको भन्दै थप तीन मुद्दा दायर भएका थिए। यी सबैमा सफाइ दिने फैसला भएको हो।
सीमावर्ती भारतीय बजार रक्सौल निवासी पासवान सोमबार राति करिब ११ बजेको समयमा भारतबाट बीआर ०५ एल ६१३९ नम्बरको मोटरसाइकलमा लागू औषध तथा हातहतियारका साथ वीरगन्जतर्फ आइरहेको विशेष सूचनाको आधारमा जिल्ला प्रहरी कार्यालय पर्साले प्रहरी परिचालन गरेको थियो ।
“तातो बढ्ने भएकाले आवश्यक तयारी गर्नुहुन तथा आवश्यक सतर्कता अपनाउनहुन अनुरोध छ”, विभागले भनेको छ । महाशाखाका मौसमविद् रोजन लामिछानेले तातो बढेसँगै आगलागी, हावाहुरीलगायतका समस्या झन बढ्न सक्ने भएकाले सावधानी अपनाउनुपर्ने बताउनुभयो । उहाँका अनुसार यस वर्ष सबैभन्दा बढी ४३.६ डिग्री तापक्रम मापन भएको छ । भैरहवामा वैशाख आठ गते उक्त तापक्रम रेकर्ड भएको थियो ।
प्रतिक्रिया दिनुहोस्