सिट बाँडफाँटमा गठबन्धनको जुट्ला त सहमति ?

कांग्रेस गठबन्धन दलभित्र सहमति जुटाउन लचक हुन तयार भएको छ।

सम्वादाता | २०७९ भदौ १७ गते ०९: ३६ मा प्रकाशित

काठमाडौं– साउन २० गते बसेको सत्ता गठबन्धनको शीर्ष नेताहरूको बैठकले मंसिर ४ गते हुने प्रतिनिधिसभा र प्रदेससभा निर्वाचनमा तालमेल गर्ने निर्णय गर्‍यो। त्यही बैठकले सिट बाँडफाँटका लागि ११ सदस्यीय कार्यदल गठन गरेर भदौ पहिलो सातासम्म ‘मोडालिटी’ तयार पारेर बुझाउन निर्देशन दियो।

नेपाली कांग्रेसका नेता कृष्णप्रसाद सिटौला संयोजक रहेका कार्यदलको बैठक यसबीचमा पटक–पटक बस्या। तर, सिट बाँडफाँटको ‘मोडालिटी’ तयार पार्ने विषयमा कार्यदल सहमतिमा पुग्न सकेन।

सिट बाँडफाँटका लागि कार्यदल सहमतिमा पुग्न नसक्नुको कारण हो– गठबन्धनका सबै दलको आ–आफ्नो अडान।कार्यदलका बैठकमा घटक दलहरूले राखेको अडानअनुसार सिट बाँडफाँड टुंग्याउन प्रतिनिधिसभाका १६५ निर्वाचन क्षेत्रलाई कम्तिमा २३४ पुर्‍याउनुपर्ने देखिन्छ।

कार्यदलका बैठकहरूमा प्रतिनिधसभातर्फ कांग्रेसले १००, माओवादी केन्द्रले ६०, नेकपा९एकीकृत समाजवादी० ले ४०, जसपाले ३२ र राष्ट्रिय जनमोर्चाले २ सिटमा दाबी गरेको थियो।सय सिटभन्दा कम लिँदा पार्टीभित्र व्यवस्थापन गर्न चुनौती हुने कांग्रेसको भनाइ छ। यो भन्दा कम सिट लिएर चुनावमा जाँदा ठाउँठाउँमा विद्रोह र बागी उम्मेदवारी हुने कांग्रेसको तर्क छ।

सिट बाँडफाँटका लागि कार्यदल सहमति जुटाउन नसकेपछि शीर्ष नेताहरू आफैं कस्सिएका छन्।बिहीबार शीर्ष नेतासहित बसेको बैठमा कसले कति सिट लिने विषयमा छलफल भएको छ। शीर्ष नेताहरूको छलफलमा कांग्रेस गठबन्धन दलभित्र सहमति जुटाउन लचक हुन तयार भएको छ। यसअघि दाबी गर्दै आएको सय सिटबाट झरेर ९० सिट लिन कांग्रेस तयार भएको एक नेताले बताए।

‘कांग्रेस आफ्नो अडानबाट पछि हट्न तयार भएको छ। यसअघि सय सिट भनिरहे पनि ९० सिट लिन कांग्रेस तयार भएको हो,’ छलफलमा सहभागी एक नेताले भने,‘अब अरू दलले पनि आफ्नो अडान छाडे सहमति हुन्छ।’ कांग्रेस ९० सिटमा झर्न तयार हुँदा घटक अन्य दलले भने ८५ सिट लिन दबाब दिइरहेका छन्।

कांग्रेस लचक भएअनुसार ९० सिट पाउँदा बाँकी रहेका ७५ सिटमा माओवादी, एकीकृत समाजवादी, जसपा र राष्ट्रिय जनमोर्चाबीच सिटको भागबन्डा हुनेछ। पछिल्लो समय बाबुराम भट्टराई र वामदेव गौतम नेतृत्वको पार्टीले पनि माओवादी केन्द्रकै चुनाव चिह्न लिएर निर्वाचनमा जाने बताएको छ।

त्यसो हुँदा कांग्रेसले पाउनेबाहेकका सिटमा यी दुई दललाई पनि मिलाउनुपर्ने हुन्छ। लोकतान्त्रिक समाजवादी पार्टी पनि सत्ता गठबन्धनसँगै तालमेल गरेर चुनाव लड्न चाहिरहेको छ। यस्तोमा यी दलको सिट संख्या अझै घट्नसक्छ।

प्रतिक्रिया दिनुहोस्

सम्बन्धित समाचार

हातखुट्टा झमझमाउने कारण , के उपचार गर्ने ?

मदिराको अत्याधिक सेवनले स्नायु र तन्तुलाई नोक्सान पुर्‍याउँछ । अत्याधिक मात्रामा रक्सी पिउनाले शरीरमा आवश्यक पोषक तत्त्वहरू जस्तै भिटामिन बी १२ र फोलेट कम हुन्छ । जसकारण स्नायुमा नराम्रो असर पर्छ र हातखुट्टा झमझमाउने समस्या हुनसक्छ ।

नेपालमा ‘एभरेस्ट’ र ‘एमडीएच’ मसला प्रतिबन्धित

आगामी दुई दिन तातो हावा चल्ने, सावधानी अपनाउन आग्रह

पर्सा जिल्ला पूर्ण खोप जिल्ला घोषणा

त्यस्तै पर्सा जिल्ला खोप समन्वय समितीका प्रवक्ता जनस्वास्थ्य अधिकृत जयमोद ठाकुरले कोरोना महामारीका कारण पर्सा जिल्लाको चार पालिका बालबालिका लाइ खोप लगाउन सकेका थिएनन् तर अहिले चारै पालिकाले पुर्ण खोप पालिका हुन सफल भएकोमा उहाहरु लाई बधाइ समेत दिएका थिए । पूर्ण खोप नलगाएसम्म बालबालिका सुरक्षित ह्ँदैनन्,’ उनले भने, ‘विभिन्न रोगबाट बचाउनका लागि बालबालिकालाई सरकारले दिने निःशुल्क खोप लगाउनुपर्दछ।

तराई मधेशमा लु चल्ने सम्भावना

जल तथा मौसम विज्ञान विभागको मौसम पूर्वानुमान महाशाखाका वरिष्ठ मौसमविद राजु प्रधानाङ्गले आगामी तीन दिनसम्म तराई मधेशका जिल्लामा वर्षा गराउने प्रणाली नभएकाले गर्मी बढ्ने बताए । उनले अनलाइनखबरसँग भने, ‘गएको केही दिन अगाडि जुन किसिमले वर्षा भयो, त्यो वर्षाले तापक्रममा गिरावट भएको थियो । अब वर्षा गराउने प्रणाली नभएकाले आगामी दिनमा गर्मी बढ्ने देखिन्छ ।’

आज सीता जयन्ती मनाइँदै

भगवान् विष्णुको छैटौँ अवतारका रुपमा अयोध्याका राजा दशरथका पुत्रका रुपमा श्रीरामको जन्म हुने भएपछि लक्ष्मी सीताका रुपमा उत्पत्ति भएको वर्णन विभिन्न ग्रन्थमा गरिएको छ । सीतालाई सत्यवती, पतिव्रता एवं आदर्श नारीका रुपमा सम्मान गरिन्छ।
ट्रेन्डिङ

बजार