वीरगन्ज – वीरगन्ज उद्योग वाणिज्य संघका अध्यक्ष सुवोध गुप्ता आफ्नै कार्यसमितिबाट टाढिदै गएको पाइएको छ । लामो समयदेखि संघको कार्यसमिति बैठक बस्न सकेको छैन् । गत आइतबार संघका १५ जना कार्यसमिति सदस्यले भदौ देखि बैठक नबसेको हुनाले तत्काल बैठकको माग राख्दै लिखित निवेदन नै दर्ता गराएका छन् ।
बैठक बस्न नसक्दा सिंगापुर र भियतनाम भ्रमणमा कति खर्च भयो भन्ने यकिन विवरण समेत कार्यसमिति सदस्यहरुलाई जानकारी छैन् । छोरा, छोरी, श्रीमती लिएर अध्यक्ष गुप्ता नेतृत्वको टोली कात्तिकमा सिंगापुर र भियतनाम भ्रमणमा गएका थिए ।
भदौ ११ गते संघको पछिल्लो बैठक बसेको निवेदनमा उल्लेख छ । संघको विधान अनुसार दुई महिना पछि अगामी फागुनमा अध्यक्ष गुप्ताको २ वर्षे कार्यकाल समाप्त हुँदै छ । विधान अनुसार नै फागुनमा साधारण सभा समेत गर्नुपर्ने हुन्छ । १५ जना कार्यसमिति सदस्यले फागुनमा साधारण सभाको मिति तयको माग समेत निवेदनमा गरेका छन् ।
‘अगामी फागुनमा अध्यक्ष गुप्ताको २ वर्षे कार्यकाल सकिदैँ छ,’ संघका एक पदाधिकारी भन्छन्, ‘चैतमा नेपाल उद्योग वाणिज्य महासंघको निर्वाचन समेत हुँदैछ । केन्द्रको निर्वाचन भन्दा अगाडि नै जिल्लाको निर्वाचन हुँदै आएको छ । तर, अध्यक्ष गुप्ताले केन्द्रको निर्वाचनमा आफ्नो ‘बार्गेनिङ पावर’ बढाउन जिल्लाको अधिवेशन बैशाख पछि गर्ने मनस्थितीमा रहेका छन् ।
’ स्रोतका अनुसार संघको कार्यालयमा निवेदन दर्ता गराएपछि अध्यक्ष गुप्ताले निवेदन दर्ता गराउने सदस्यहरुसंग ‘वन टु वन’ वार्ता गरिरहेका छन् । २५ गते कार्यसमिति बैठक आह्वान गर्न मौखिक रुपले आश्वासन दिएका छन् ।
वार्तामा अध्यक्षले विगतमा पनि साधारण सभा ३/४ महिना सारिएको तर्क दिने गरेको एकजना सदस्यले बताए । ती सदस्य भन्छन्, विगतमा संघको हितका लागि साधारण सभाको मिति सारिएको थियो, अध्यक्षको हितको लागि हैन् ।
विगतमा संघको साधारण सभा पुषमा हुँदै आएको थियो । ‘संघको साधारण सभामा अर्थमन्त्री, अर्थ सचिव, केन्द्रीय अध्यक्ष लगायतका अतिथीहरुलाई काठमाडौँबाट निम्ता गरि बोलाइन्छ,’ ती सदस्य भन्छन्, ‘पुष महिनामा मधेसमा बाक्लो हुस्सुका कारण धेरै अतिथीहरु आउन सक्नुहुन्थेन्, विहान ८ बजे हुने कार्यक्रम दिउँसो २/३ बजे सुरु हुन्थ्यो ।’
कति पटक त प्रमुख अतिथी नआउँदा उहाँको मनतव्य पढेर सुनाउने अवस्था समेत आएको थियो । मौसमका कारण कार्यक्रमको पाहुना नै आउन समस्या हुने भएकाले पुस महिनामा हुँदै आएको साधारण सभा फागुनमा सारिएको थियो । ‘पुषबाट फागुनमा साधारण सभा सार्ने निर्णय संघको हितमा गरिएको थियो,’ संघका एक पदाधिकारी भन्छन्, ‘अध्यक्षको बार्गेनिङ पावर बढाउनका लागि सारिएको थिएन् ।’
वीरगन्ज उद्योग वाणिज्य संघले सर्टिफिकेट अफ ओरिजन (सी.ओ)बाट नै मूख्य आम्दानी गर्ने गरेको छ । आर्थिक वर्ष २०७८/७९ मा संघले सीं.ओ.बाट १ करोड ९६ लाख ५८ हजार रुपैया आम्दानी गरेको थियो । तर, आर्थिक वर्ष २०७९/८० मा सी.ओ.बाट हुने आम्दानी झन्डै एक करोड रुपैयाले घटेको पाइएको छ ।
ट्रकमा चामल राखेको देखाएर राजस्व छलेको कपडाको चोरी पैठारी गरिएको थियो । विभागका महानिर्देशक नवराज ढुंगानका अनुसार ट्रकमा कुर्ता सलवार, सारी, धोतीलगायतका तयारी पोशाक रहेको छ ।
प्रतिक्रिया दिनुहोस्