वीरगन्ज– वीरगन्ज उद्योग वाणिज्य संघका अध्यक्ष सुवोध गुप्ताको नेतृत्वमा ३६ सदस्यीय ‘व्यापारिक’ टोलीले शनिबार सिंगापुरमा संघको कार्यसमितिको बैठक बस्ने भएको छ । सिंगापुरको स्थानीय समय ३ बजेका लागि कार्यसमितिको बैठक आह्वान गरिएको हो ।
वीरगन्ज उद्योग वाणिज्य संघका महासचिव मनोज दासले ९ बुँदै छलफलका विषयहरु उल्लेख गर्दै पदाधिकारी तथा कार्यसमिति सदस्यलाई बैठकमा सहभागितका लागि अनुरोध गर्दा कार्यसमितिमै विरोध भएको छ ।
श्रीमती, छोरा, छोरी लिएर ‘व्यापारिक’ भ्रमणमा गएको बेला पूर्व जानकारी बिना आकस्मिक रुपले सिंगापुरमा बैठक आह्वान गर्दा कार्यसमिति सदस्यहरुले विरोध जनाएका हुन् । ‘कार्यसमिति बैठक कुनै अरु देश त्यो पनि पूर्व जानकारी नभएको, कोही कहाँ त कोही कहाँ छ, भम्रणमा केही सिमित पदाधिकारी तथा कार्यसमितिका सदस्य गएका छन्, वीरगन्ज उद्योग वाणिज्य संघका एक सदस्यले भने, ‘म यो बैठकको पक्षमा छैन् ।’
यसैगरि वीरगन्जमा रहेका एक अर्का सदस्यले विदेश भ्रमणमा रहेका बेला बैठकको कुनै औचित्य नरहेको दाबी गरेका छन् । ‘भ्रमणबाट फर्के पछि मिटिङ गरे भइहाल्यो,’ ती सदस्य भन्छन्, ‘अहिले सिंगापुर र भियतनामको भ्रमण लाई सार्थक बनाउनु जरुरी छ, फेसबुकमा बैठकको फोटो हाल्नका लागि मात्र विदेशमा बैठक बस्नुको कुनै औचित्य छैन् ।’
यता वीरगन्ज उद्योग वाणिज्य संघका अध्यक्ष, पदाधिकारी, कार्यसमितिका सदस्य श्रीमती, छोरा, छोरी लिएर विदेश भ्रमणमा गएको बेला शुक्रबार उता काठमाडौँको माइतीघर मण्डलामा उद्योगी तथा व्यापारीहरुले बैंकहरुको ब्याजदर विरुद्ध प्रदर्शन गरेका छन् । खाद्य व्यापार संघ, ललितपुर उद्योग वाणिज्य संघ, भक्तपुर उद्योग वाणिज्य संघ, नेपाल उद्योग वाणिज्य संघ काठमाडौँ र उनी फेल्ट उत्पादक तथा निर्यात संघले संयूक्त रुपमा माइतीघर मण्डलामा विरोध प्रदर्शन गरेका हुन् ।
वीरगन्ज उद्योग वाणिज्य संघको ३५ लाख रुपैयाँ लिएर वीरगन्जका उद्योगीका नेताहरु सिंगापुर भ्रमण रह्दा काठमाडौ, ललितपुर, भक्तपुर लगायतका उद्योग वाणिज्य संघका नेताहरु बैंकहरुले प्रिमियममा मनपरी गरेको, चर्को ब्याज असुल गरेको भन्दै विरोध जनाएका छन् । वीरगन्ज उद्योग वाणिज्य संघको हालको नेतृत्व उद्योगी व्यापारीको समस्या समाधान तर्फ ध्यान नदिई आफ्नो व्यक्तिगत स्वार्थपुर्ती गर्न संघको खातामा जम्मा भएको पैसा मनमौजी रुपले खर्च गरिहेका छन् ।
वीरगन्ज महानगरपालिकामा हाल ४ वटा क्यासिनो सञ्चालनमा रहेका छन् । सुरज होटलमा फरचुन सिटी गेमिङ क्लब, होटल भिस्वामा सेन्ट्रल मिडिया गेमिङ क्लब, लर्डस दियालोमा किंग्स क्यासिनो र क्लार्क रिर्सोट गोल्डेन फिंगर क्यासिनो सञ्चालनमा रहेका छन् ।
लाजिम्पाट स्थित होटल दुसित प्रिन्सेसमा सम्पन्न भएको महाधिवेशनमा दुईवटा केन्द्रीय उपाध्यक्ष, सचिव र कोषाध्यक्ष पदमा निर्वाचन भएको थियो भने अध्यक्ष लगायत अन्य पदमा पदाधिकारीहरु निर्विरोध निर्वाचित भएका थिए ।
अघिल्लो आर्थिक वर्षको ६ महिनामा संकलित राजस्व भन्दा चालु आर्थिक वर्षको सोही अवधिमा करिब ३७ लाख रुपैया बढी राजस्व संकलन भएको देखिएको हो । कार्यालयका अनुसार चालु आर्थिक वर्षको ६ महिनामा राजस्व चुहावट तर्फ १ करोड ५७ लाख ४० हजार रुपैया संकलन गरिएको छ । सोही अवधिमा गत आर्थिक वर्ष १ करोड २० लाख १० हजार रुपैया संकलन भएको थियो ।
वीरगन्ज उद्योग वाणिज्य संघले सर्टिफिकेट अफ ओरिजन (सी.ओ)बाट नै मूख्य आम्दानी गर्ने गरेको छ । आर्थिक वर्ष २०७८/७९ मा संघले सीं.ओ.बाट १ करोड ९६ लाख ५८ हजार रुपैया आम्दानी गरेको थियो । तर, आर्थिक वर्ष २०७९/८० मा सी.ओ.बाट हुने आम्दानी झन्डै एक करोड रुपैयाले घटेको पाइएको छ ।
प्रतिक्रिया दिनुहोस्