‘बार्गेनिङ’ नमिल्दा नक्कली घ्यु र डाल्डा रातारात गायब
उद्योग स्रोतका अनुसार उपभौक्त हित संरक्षण मञ्च वीरगन्ज महानगरका पदाधिकारीले एक जना फोटो पत्रकारलाई लिएर आएका थिए । उत्पादन गरिएको घ्यु, डाल्डा, तेलको भिडियो लिएर मञ्चको टोलीले खान नहुने कुरा मिसाएर घ्यु उत्पादन गरिएको भन्दै मोलमोलाई गरेका थिए ।
वीरगन्ज– वाणिज्य तथा उपभोक्ता हित संरक्षण कार्यालय वीरगन्ज, खाद्य प्रविधि तथा गुण नियन्त्रण कार्यालय पर्सा र सुरक्षाकर्मीको टोलीले बुधबार वीरगन्ज महानगरपालिका वडा नम्बर १५ भिस्वा स्थित प्रगतिटोलमा सञ्चालनमा रहेको शुभमंगल पुजा घ्यु प्रोडक्टसमा छापामारी गरेका थिए ।
छापामारीको क्रममा गोदामबाट ध्युका डब्बा, स्टोभ ग्यास, बिर्को सिल गर्न मेशिन र भाँडाकुँडा फेला पऱ्यो । तर, अखाद्य वस्तु मिसावट गरि उत्पादन गरिएको घ्यु भने फेला परेन् । जबकि सोमबार उपभोक्ता हित संरक्षण मञ्चका दुईजना त्यहा पुग्दा ठूलो परिमाणमा अखाद्यय वस्तु मिसाएर घ्यु बनाई भण्डारण गरिएको पाइएको थियो ।
शक्ति सुपर रिफाइन, पाम आयल, अमृत रिफाइन, डाल्डा लगायतका ब्रान्ड त्यहाँ उत्पादन हुँदै आएका थिए । दुई दिन अगाडि मात्र (सोमबार) अपराह्न एक बजे उद्योगमा पुग्दा भण्डारण गरि राखिएको घ्यु बुधबार फेला नपरेपछि सरकारी टोली लिएर छापामारी गर्न पुगेका उपभोक्ता मञ्च वीरगन्ज महानगरका पदाधिकारी आश्चर्यचकित बनेका थिए ।
एकजना सहयोगी लिएर सोमबार उद्योगमा पुगेका मञ्चका ती पदाधिकारीले मोबाइलमा तस्बिर देखाउँदै अस्ति मात्र यी घ्युहरु यहाँ राखिएका थिए, आज कता गायब पारेछन्, भनेर प्रश्न गरेका थिए । मञ्चका ती पदाधिकारीको कुरा सुनेर त्यहाँ रहेका खाद्य प्रविधि तथा गुण नियन्त्रण, सुरक्षाकर्मी र सञ्चारकर्मीको टोली चकित बनेको थियो ।
उद्योग स्रोतका अनुसार उपभोक्ता हित संरक्षण मञ्च वीरगन्ज महानगरका पदाधिकारीले एक जना फोटो पत्रकारलाई लिएर आएका थिए । उत्पादन गरिएको घ्यु, डाल्डा, तेलको भिडियो लिएर मञ्चको टोलीले खान नहुने कुरा मिसाएर घ्यु उत्पादन गरिएको भन्दै मोलमोलाई गरेका थिए ।
‘साहुले ५० हजार रुपैयाँसम्म दिन सकिने बताएका थिए,’ शुभमंगल पुजा उद्योगका एक कर्मचारी भन्छन्, ‘दुईजनाले सुरुमा ५० हजारमै सहमति जनाएका थिए । तर, रातको समयमा एक जनालाई कम्तिमा एक लाख रुपैयाँ चाहिने अडान लिएपछि कुरा बिग्रियो ।’ त्यसपछि उत्पादन गरिएका सामान रातारात अर्कै गोदाममा भण्डारण गरिएको ती कर्मचारी बताउँछन् ।
मञ्चका केन्द्रीय उपाध्यक्ष अजय अधिकारीले रेकी गर्न गएका जिम्मेवारी साथीहरुले गल्ती गरेकाले नक्कली घ्यु बरामद नभएको स्वीकार्छन् । ‘हामी पनि करेक्शन हुन् जरुरी छ,’ उनले भने, ‘रेकी गर्न गएका महानगरका साथीहरु जिम्मेवार भएनन् ।’
रौतहट नगरपालिका वडा नम्बर २ गम्हरिया निवासी सुशीला देवीको नाममा शुभमंगल पुजा घ्यु प्रोडक्टस दर्ता भएपनि वीरगन्ज आदर्शनगरका लोकेश मित्तल मित्तलले उक्त उद्योग सञ्चालन गर्दै आएका छन् । २०७६ सालमा घरेलु तथा साना उद्योगमा वार्षिक एक करोड पूँजी देखाएर उद्योग दर्ता भएको पाइएको छ ।
४ वर्ष अगाडि मात्र वाराको प्रसौनीमा मित्तलले सञ्चालन गरेको उद्योगमा नक्कली घ्यु बरामद भएको थियो । अनुगमन टोलीमा खाद्य प्रविधि तथा गुण नियन्त्रण कार्यालय पर्साका बिक्की राउत, उपभोक्ता संरक्षण मञ्चका उपाध्यक्ष अजय अधिकारी, केन्द्रीय सदस्य धीरज शर्मा, प्रदेश अध्यक्ष केसी लामिछाने लगायतको टोली रहेको थियो ।
वीरगन्ज महानगरपालिकामा हाल ४ वटा क्यासिनो सञ्चालनमा रहेका छन् । सुरज होटलमा फरचुन सिटी गेमिङ क्लब, होटल भिस्वामा सेन्ट्रल मिडिया गेमिङ क्लब, लर्डस दियालोमा किंग्स क्यासिनो र क्लार्क रिर्सोट गोल्डेन फिंगर क्यासिनो सञ्चालनमा रहेका छन् ।
लाजिम्पाट स्थित होटल दुसित प्रिन्सेसमा सम्पन्न भएको महाधिवेशनमा दुईवटा केन्द्रीय उपाध्यक्ष, सचिव र कोषाध्यक्ष पदमा निर्वाचन भएको थियो भने अध्यक्ष लगायत अन्य पदमा पदाधिकारीहरु निर्विरोध निर्वाचित भएका थिए ।
अघिल्लो आर्थिक वर्षको ६ महिनामा संकलित राजस्व भन्दा चालु आर्थिक वर्षको सोही अवधिमा करिब ३७ लाख रुपैया बढी राजस्व संकलन भएको देखिएको हो । कार्यालयका अनुसार चालु आर्थिक वर्षको ६ महिनामा राजस्व चुहावट तर्फ १ करोड ५७ लाख ४० हजार रुपैया संकलन गरिएको छ । सोही अवधिमा गत आर्थिक वर्ष १ करोड २० लाख १० हजार रुपैया संकलन भएको थियो ।
वीरगन्ज उद्योग वाणिज्य संघले सर्टिफिकेट अफ ओरिजन (सी.ओ)बाट नै मूख्य आम्दानी गर्ने गरेको छ । आर्थिक वर्ष २०७८/७९ मा संघले सीं.ओ.बाट १ करोड ९६ लाख ५८ हजार रुपैया आम्दानी गरेको थियो । तर, आर्थिक वर्ष २०७९/८० मा सी.ओ.बाट हुने आम्दानी झन्डै एक करोड रुपैयाले घटेको पाइएको छ ।
प्रतिक्रिया दिनुहोस्