वीरगन्ज– मधेश प्रदेशको एक मात्र महानगर वीरगन्ज महानगरपालिकाले अगामी आर्थिक वर्ष २०८०/०८१ का लागि ३ अर्ब २१ करोड ३५ लाख ४४ हजार रुपैयाको अनुमानित बजेट ल्याएको छ । उपप्रमुख इम्तियाज आलमले बुधबार महानगरको १३ औ अधिवेशनमा अगामी आर्थिक वर्षको अनुमानित आयव्यय प्रस्तुत गरेका हुन् ।
महानगरको १२ औ अधिवेशनले चालु आर्थिक वर्ष २०७९/०८० का लागि ३ अर्ब ३३ करोड ६३ लाख २ हजार रुपैयाको बजेट ल्याएको थियो । अगामी आवका लागि बजेटको आकार घटेको छ । अगामी आवको कूल बजेटको ७७ प्रतिशत रकम चालु तर्फ र २२ प्रतिशत रकम पूजीगत तर्फ विनियोजन गरिएको छ । वित्तीय व्यवस्था तर्फ एक प्रतिशत बजेट छुट्याइएको छ ।
प्रस्तुत बजेटमा शिक्षा क्षेत्र सुधारका लागि १२ करोड २० लाख, खानेपानी तथा सरसफाई क्षेत्रमा १२ करोड रुपैया छुट्याएको छ । आधारभूत स्वास्थ्य सेवालाई सर्वसुलभ एवम् विकेन्द्रित रुपले उपलब्ध गराउन ३ करोड ७५ लाख, यातायात पूर्वाधार क्षेत्रको लागि ५९ करोड, स्वयम्सेवक शिक्षक कार्यक्रमका लागि ४ करोड ७५ लाख, खेलकुद क्षेत्रका लागि एक करोड रुपैया विनियोजन गरिएको छ ।
लामखुट्टेमुक्त महानगर अभियानका लागि लामखुट्टेको लार्भा नियन्त्रण, बासस्थान नष्ट गर्न, औषधि छर्किने अभियानका लागि ३५ लाख रुपैया विनियोजन गरिएको छ । महानगरपालिकाले संघीय सरकारको वित्तीय समानीकरणबाट ४२ करोड ८८ लाख, राजश्व बाडफाडबाट २१ करोड १२ लाख, सशर्त अनुदानबाट ७५ करोड १६ लाख रुपैया प्राप्त हुने अनुमान गरेको छ ।
यसैगरि संघीय सरकारको वित्तीय हस्तान्तरबाट १ अर्ब ३३ करोड २१ लाख आउने अनुमान गरेको छ । प्रदेश वित्तीय हस्तान्तरबाट ४ करोड ४५ लाख ९५ हजार र प्रदेश राजश्व बाडफाडबाट २ करोड ८७ लाख रुपैया र आन्तरिक राजश्वबाट १ अर्ब २० करोड ४४ लाख ३० हजार संकलन हुने अनुमान बजेटमा गरिएको छ । महानगरको १२ औ अधिवेशनले चालु आवको लागि ३ अर्ब ३३ करोड ६३ लाख २ हजार बराबरको बजेट ल्याएको थियो । अगामी आवको लागि बजेट घटेर आएको छ ।
वीरगन्ज महानगरपालिकामा हाल ४ वटा क्यासिनो सञ्चालनमा रहेका छन् । सुरज होटलमा फरचुन सिटी गेमिङ क्लब, होटल भिस्वामा सेन्ट्रल मिडिया गेमिङ क्लब, लर्डस दियालोमा किंग्स क्यासिनो र क्लार्क रिर्सोट गोल्डेन फिंगर क्यासिनो सञ्चालनमा रहेका छन् ।
लाजिम्पाट स्थित होटल दुसित प्रिन्सेसमा सम्पन्न भएको महाधिवेशनमा दुईवटा केन्द्रीय उपाध्यक्ष, सचिव र कोषाध्यक्ष पदमा निर्वाचन भएको थियो भने अध्यक्ष लगायत अन्य पदमा पदाधिकारीहरु निर्विरोध निर्वाचित भएका थिए ।
अघिल्लो आर्थिक वर्षको ६ महिनामा संकलित राजस्व भन्दा चालु आर्थिक वर्षको सोही अवधिमा करिब ३७ लाख रुपैया बढी राजस्व संकलन भएको देखिएको हो । कार्यालयका अनुसार चालु आर्थिक वर्षको ६ महिनामा राजस्व चुहावट तर्फ १ करोड ५७ लाख ४० हजार रुपैया संकलन गरिएको छ । सोही अवधिमा गत आर्थिक वर्ष १ करोड २० लाख १० हजार रुपैया संकलन भएको थियो ।
वीरगन्ज उद्योग वाणिज्य संघले सर्टिफिकेट अफ ओरिजन (सी.ओ)बाट नै मूख्य आम्दानी गर्ने गरेको छ । आर्थिक वर्ष २०७८/७९ मा संघले सीं.ओ.बाट १ करोड ९६ लाख ५८ हजार रुपैया आम्दानी गरेको थियो । तर, आर्थिक वर्ष २०७९/८० मा सी.ओ.बाट हुने आम्दानी झन्डै एक करोड रुपैयाले घटेको पाइएको छ ।
प्रतिक्रिया दिनुहोस्