नेशनल इन्फोटेकमा प्रेरणादायी कार्यक्रम

सम्वादाता | २०८२ भदौ ६ गते ०५: २३ मा प्रकाशित

बीरगंज l बीरगंज स्थित नेशनल इन्फोटेक कलेजले आफ्ना विद्यार्थीहरुका लागि प्रेरणादायी कार्यक्रमको आयोजना गरेको छ ।
कलेजको आयोजनामा होटेल क्लार्क रिसोर्टमा कक्षा १२ का विधार्थीहरुका लागि उक्त कार्यक्रमको आयोजना गरिएको हो । शिक्षा संगै विद्यार्थीहरुको व्यक्तित्व विकास सहयोग पुग्ने अभिप्रायले आयोजना गरिएको उक्त कार्यक्रमले विद्यार्थीहरुमा सिकाईसंगै आफुभित्र रहेको प्रतिभालाई उजागर गर्न प्रेरणा मिल्ने कलेजका सञ्चालक मनिष सिंहले बताए ।
त्यसैगरी कलेजका सुधीर पटेलले कक्षा १२ मा अध्ययनरत विद्यार्थीहरुको यो उमेर सप्रिने वा विग्रीने चरणमा रहेको हुंदा यसैबेला विद्यार्थीहरुलाई सही बाटोमा लाग्न प्रेरित गर्ने अभिप्रायले यो कार्यक्रमको आयोजना गरिएको र यसबाट विद्यार्थीहरुले आफु रिफ्रेस भएको बताए । उनले यसखाले कार्यक्रमबाट विद्यार्थीहरुमा साकारात्मकताको विकासमा टेवा पुग्ने पटेलले विश्वास व्यक्त गरे ।
मधेस प्रदेशमै ख्यातीप्राप्त बक्ता सौनक भट्टले सहजीकरण गरेको कार्यक्रममा कलेजकी काजल सिंह, शिक्षक लगायत कक्षा १२ का विद्यार्थीहरुको उल्लेख्य सहभागिता रहेको थियो ।

प्रतिक्रिया दिनुहोस्