वीरगञ्ज— पर्सामा प्रहरीका हाकिम परिर्वतन संगै केही दिन रोकिएको तस्करी अहिले नयाँ तरिका अपनाउदै पुन सुचारु भएको खबर प्राप्त भएको छ । हो पर्सामा सशस्त्रका हाकिम परिवर्तन संगै रोकिएको तस्करी पुन सुचारु भएको हो । सशस्त्र प्रहरी बल नेपाल नम्बर १३ गण पर्साले ग्रिन सिग्नल दिए संगै पर्सामा रोकिएको तस्करी सुचारु भएको छ । सशस्त्र प्रहरी बल नेपाल प्रस्तावित गुल्म अलौँका डिएसपी कृष्ण सिंह पुजाराले तस्करहरु संग समन्वय गर्न र गणका एसपीका नाममा समेत रकम उठाउन जिम्मेवारी पाएको सशस्त्र प्रहरी स्रोतले जनाएको छ । अलौँ नाका,कोनिया,बारवा,अमरपटि लगाएतका नाकाबाट अहिले तस्करीलाई छुट दिइएको स्रोतले जनायो । अलौँ मुख्य नाकाबाट रातिको समयमा जय प्रकाशलाई कबाड, अंसारीलाई बटर, मुखिया राजेशलाई युनिलिभरको कासमेटिक आईटम,मनोजलाई मोबाइल पार्टसको लाईन दिइएको छ । मनोजको लाईन दिन डिएसपी पुजाराले २५ हजारको सस्ता मोबाईल पार्टस खरिद गर्न लगाएर मंहगा स्टीकर टासिएको डिब्बामा प्याक गरेर ४ लाखको समान बरामद गरेको देखाएर मनोजलाई मोबाईल पार्टसको काम गर्न दिइएको स्रोतले जनायो । कोनिया नाकाबाट बैधनाथको भैसीँ तथा कपडाको लाईन दिइएको छ भने भिखारीले महंगा गाडीहरुको पार्टपुर्जा तस्करी गर्छन । सिमावर्ति बजारबाट ल्याइएको भैसी स्थानीय सिफारिस बनाएर जितपुर बजारमा पठाउने गरिएको छ । बैधनाथले भैसीको आडमा भैसी ढुवानी गर्ने पिकअप गाडीमै कपडा पनि पठाउने गरेको स्थानीय बताउछन । भिखारीले पुरानो पार्टसको नाममा चार चक्के नयाँ गाडीको गियर बक्स लगाएतका पार्टसहरुको ओसार पसार गर्ने गरेका छन । गएको ४ दिन अघि मात्र गणबाट खटिएको टोलीले भिखारीको मालसमान पक्राउ गरेको थियो । गणबाट खटिएको टोलीले भिखारीको माल समाएकै दिन डिएसपी पुजाराले गणका एसपीका नाममा पैसा लिएका थिए तर गणको टोलिले माल समाएपछि उनले तत्कालै पैसा फिर्ता गरेका थिए । बारवा नाका बाट भुवन र विवेकलाई गाई भैसीको लाईन दिएइको छ । तिलावे पारीको गाउँ बारवाका स्थानीय भुवन र विवेक समुहले दैनिक एक दर्जन पिकअप गाडीबाट गाई भैसी ओसार पसार गरिरहेका छन । सिमावर्ति गाउँ सिसवाबाट नदिको बाटो हुदै बारवा गाउमा लयाइएको गाई र भैसी सिफारिस बनाएर पिकअप गाडीका माध्यमले वीरगञ्ज बाहिर पठाउने गरिएको छ । अमरपटिबाट विनयलाई गाडीको नयाँ तथा पुरानो पार्टपुर्जाको लाइन दिइएको छ । उनले दैनिक ४ वटा माईक्रो गाडीबाट भारत बाट नेपाल तर्फ समान ओसार पसार गरिरहेका छन । यि माथी लेखिएका सबैजसो तस्करले डिएसपी पुजारालाई भेटेर लाईन लिएको र गणका एसपीको नाममा समेत रकम दिएको एक जना व्यापारीले नाम नछाप्ने सर्तमा बताए । डिएसपी पुजाराले अहिले गणका एसपी मेरो गाउले भएकोले तिमिहरु निर्वाध काम गर केही फरम परे म जिम्मा लिएको भनी ठोकुवा भन्ने गरेको व्यापारी सुनाउछन । सशस्त्र प्रहरी बल नेपालका महानिरिक्षक राजु अर्यालले सिमा नाकाहरुमा थप कडाई गर्न दिएको निर्देशनलाई घाममा सुकाएर डिएसपी पुजाराले बोर्डरलाई आफु खुसि कमाईखाने भाडोँ बनाएका छन । तसर्थ माथिलो निकायले अलौँ एरियामा विशेष निगरानि बढाएर तस्करी नियन्त्रण गर्न जरुरी छ ।