बिरगंज — बिरगंज सिटी मार्केटका विभिन्न पसलहरूले मानवसेवा आश्रम, बिरगंजमा आश्रित आमा–बुवाहरूलाई सहयोगस्वरूप हाफ पाइन्ट र टी–सर्ट प्रदान गरेका छन्।

बिरगंज घण्टाघरस्थित आर्मी ब्यारेक नजिकै रहेको सिटी मार्केटका व्यापारीहरूले वृद्ध आमा–बुवाहरूप्रति सम्मान, माया र समाजसेवाको भावना स्वरूप उक्त सामग्रीहरू हस्तान्तरण गरेका हुन्।

सहयोग कार्यक्रमलाई सफल बनाउन संयोजनकारी भूमिका निर्वाह गर्ने समाजसेवी बिक्की सरार्फलाई आश्रमका संस्थापक सदस्य देवेश गुप्ता र प्रकाश थारूले विशेष धन्यवाद ज्ञापन गरेका छन्।

त्यस्तै, सहयोग अभियानमा निरन्तर साथ दिँदै आइरहेका सबैप्रति मानवसेवा आश्रम, बिरगंजले हार्दिक आभार प्रकट गरेको छ।