छानविनका लागि मार्ग सहज गर्दै मन्त्री गुप्ताको राजीनामा

सम्वादाता | २०८२ असार ३१ गते १२: १८ मा प्रकाशित
वीरगञ्ज, संघीय मामिला तथा सामान्य प्रशासन मन्त्री राजकुमार गुप्ताले बहुचर्चित घुस प्रकरणमा नाम जोडिएपछि पदबाट राजीनामा दिएका छन् । प्रधानमन्त्री केपी शर्मा ओलीको निर्देशनपछि गुप्ताले मङ्गलवार सामाजिक सञ्जालमार्फत राजीनामाको घोषणा गरेका हुन् ।
गत सोमबार बिहान प्रधानमन्त्री ओलीले बालुवाटारमा बोलाई राजीनामा दिन निर्देशन दिएका थिए । त्यसको भोलिपल्ट गुप्ताले सामाजिक सञ्जालमार्फत सार्वजनिक पोस्ट गर्दै आफ्नो नाम अनावश्यक रुपमा घुस प्रकरणसँग जोडिएको भन्दै सत्यतथ्य छानबिनको लागि राजीनामा दिएको जनाएका हुन् ।
गुप्ताले पोस्टमा लेखेका छन्, “विगत केही दिनदेखि मेरो नाम घुस डिलसँग जोडेर प्रचारमा आएको कुरा सबैलाई विदितै छ । कहिलेकाहीँ नखाएको विष पनि लाग्दो रहेछ, म अहिले त्यसैको सिकार भएँ ।” उनले आफूमाथि लगाइएका अडिओ प्रमाण प्रविधिको दुरुपयोग — विशेषगरी एआई (कृत्रिम बुद्धिमत्ता) प्रयोग गरी बनाइएको दाबी गर्दै सत्य बाहिर ल्याउन आफू पूर्ण रूपमा सहकार्य गर्न तयार रहेको जनाएका छन् ।
मन्त्री गुप्ता करिब १६ मिनेट लामो तथाकथित अडिओमा एक महिला र बिचौलियासँग मालपोत सरुवा रोक्न ५३ लाख र भूमिसम्बन्धी पदका लागि २५ लाख घुस डिलमा संलग्न भएको आरोप लागेपछि विवादमा परेका थिए ।  असार १० गते निज विरुद्ध अख्तियार दुरुपयोग अनुसन्धान आयोगमा दर्ता गरिएको थियो, जसमा दुई झोला भरिएको भनिएको घुस रकम, नोटका बन्डल र तिनको नम्बरसहितको तस्बिर समेत समावेश गरिएको छ ।
अडिओमा भूमि व्यवस्था, सहकारी तथा गरिबी निवारण मन्त्री बलराम अधिकारीको नामसमेत मुछिएको छ, जसले घटनालाई थप जटिल बनाएको छ । मन्त्री अधिकारीले भने आफूमाथि लगाइएका आरोपहरू पूर्णतः आधारहीन भएको दाबी गरेका छन् ।
घटनाले सरकारको सुशासनको प्रतिबद्धतामाथि गम्भीर प्रश्न उठाएको छ । गुप्ताको राजीनामाले तत्कालीन दबाब त घटाएको छ, तर सत्तारूढ दलभित्रको पारदर्शिता र जवाफदेहिता बारे पुनः बहस चर्किएको छ ।
राजनीतिक विश्लेषकहरूका अनुसार गुप्ताको राजीनामा घुस प्रकरण बारे सत्य बाहिर ल्याउन गरिएको हो । प्रविधीको दूरुपयोग बढेसंगै यसबाट माथिल्लो ओहदामा रहेका व्यक्तित्व समेत प्रभावित हुनुले यसबारे छानविन आवश्यक छ ।

 

प्रतिक्रिया दिनुहोस्

सम्बन्धित समाचार

सीमावर्ती क्षेत्रमा दोहोरो नागरिकताको रहस्य: मकसुद मियाँ कहांको नागरिक ?

रातमा भारतको शिकारपु्र र दिनमा नेपालको जयमंगलापुर बस्दै आएका मकसुद् आखिर कुन देशका नागरिक हुन ?

छानविनका लागि मार्ग सहज गर्दै मन्त्री गुप्ताको राजीनामा

महिला स्वास्थ्य स्वयंसेविकालाई स्मार्टफोन वितरण

नारायणी अस्पतालमा स्वास्थ्य बीमा भएका बिरामीलाई औषधिको सट्टा हैरानी

उपचारका लागि अस्पताल पुग्ने बिरामीहरू औषधिको अभाव, रिपोर्टका लागि ढिलाइ र सेवामा लापरवाहीका कारण निराश हुँदै फर्किनुपरेको अवस्था छ ।

अवैध छापामारीले वीरगञ्जका व्यवसायी त्रसित, भन्सार अधिकृत र डिएसपी मालामाल

भन्सारका अधिकृत र डिएसपीले व्यापारिक प्रतिष्ठानहरुमा छापामारीको उद्देश्यले जांदा प्रावधानलाई धोती लगाउंदै डकैती शैलीमा उद्योग भित्र छिरेकोे सिसिटिभी फुटेजमा स्पष्ट देखिएको छ ।

आदिकवि भानुभक्त आचार्यको २१२औं जन्मजयन्ती वीरगञ्जमा भव्यतासाथ सम्पन्न

सो अवसरमा वीरगञ्जका वरिष्ठ पत्रकार जगदीश प्रसाद शर्मालाई दोसल्ला र प्रशंसा पत्रद्वारा सम्मान गरिएको थियो।
ट्रेन्डिङ

बजार