प्रतिबन्धित लागूऔषधसहित एक युवक पक्राउ

सम्वादाता | २०८२ असार २४ गते ११: ३१ मा प्रकाशित
बारा । बारा प्रहरीले बारामा ठूलो परिमाणमा प्रतिबन्धित लागूऔषधसहित एक युवकलाई पक्राउ गरेको छ । पक्राउ पर्नेमा जीतपुरसिमरा उपमहानगरपालिका वडा नं. ७ का करिब २० वर्षीय सेराज अंसारी रहेका छन् ।
जिल्ला प्रहरी कार्यालय बाराबाट प्रहरी सहायक निरीक्षक नन्द किशोर सिंहको नेतृत्वमा खटिएको टोलीले सोमबार साँझ कलैया उपमहानगरपालिका–५ अन्तर्गत भरत चौक नजिक मटिअर्वातर्फ जाने बाटोको छेउबाट अंसारीलाई पक्राउ गरेको हो ।
प्रहरीका अनुसार, शंकास्पद रूपमा दुई वटा क्यारेट लिएर उभिएका युवकबारे सूचनाका आधारमा निगरानी गरिएको थियो । प्रहरी टोली देखेपछि उनी भाग्न प्रयास गरे पनि तत्काल नियन्त्रणमा लिइएको थियो ।
पक्राउपछिको खानतलासीमा क्यारेटभित्र माथिल्लो भागमा आँप राखिएको र तल्लो भागमा लुकाएर राखिएको अवस्थामा ४ हजार ५ सय थान लागूऔषध फेला परेको हो । बरामद औषधिमा नोफिन १५ सय पिस, फेनारगन १५ सय पिस र डाइजोपाम १५ सय पिस रहेको छ ।
प्रहरीले अंसारीलाई नियन्त्रणमा लिएर लागूऔषध सम्बन्धी मुद्दामा अनुसन्धान अगाडि बढाएको जनाएको छ ।

 

प्रतिक्रिया दिनुहोस्

सम्बन्धित समाचार

चिकित्सक संघको हड्तालमा कानुनी कारबाही माग गर्दै उजुरी

उजुरीकर्ताले संघमाथि कडा कानुनी कारबाही गर्न माग गर्दै न्यूनतम स्वास्थ्य सेवा उपलब्ध गराउन बाधा पुर्‍याउने काम नगर्न आग्रह गरेका छन्।

रसुवामा बाढीले १८ जना बेपत्ता, मितेरी पुल बगायो

प्रतिबन्धित लागूऔषधसहित एक युवक पक्राउ

वीरगञ्जमा पानीको चरम अभाव, नगरवासी संकटमा

महानगरले दीर्घकालीन समाधानको रूपमा भू–जल सतहको वैज्ञानिक अध्ययन सुरु गरिसकेको छ ।

नेकपा एमाले वीरगञ्ज वडा नं. २५ मा भेला सम्पन्न

मिशन २०८४ सफल बनाउन कार्यकर्ता जुट्न आह्वान

स्वास्थ्य कार्यालय प्रमुखको अभद्र व्यवहारविरुद्ध प्रेस चौतारी नेपालको विरोध

ट्रेन्डिङ

बजार