सर्लाही, सर्लाहीको हथिऔलमा आज खोलामा डुबेका बालिकाहरुलाई बचाउन भनी पुगेका वृद्धकै डुबेर मृत्यु भएको छ ।

जिल्लाको दक्षिण–पश्चिम भेगस्थित सीमावर्ती क्षेत्रमा पर्ने बलरा नगरपालिका–१, हथिऔलमा बिहान १० बजेतिर घाँस काटेर घर फर्किरहेका बालिकाहरु मनुष्मारा खोलामा डुबेको देखेपछि उद्धार गर्न पुगेका वृद्धको नै डुबेर घटनास्थलमै मृत्यु भएको हो । बालिकाहरुलाई बचाउन भनी खोलामा पसेका बलरा नगरपालिका–१, कै ६० वर्षीय गजेन्द्र साहको मृत्यु भएको जिल्ला प्रहरी कार्यालय मलंगवाले जनायो ।

घाँस काटेर फर्किदै गरेकी १५ वर्षीया पिङ्की कुमारी गिरी भने पौडी खेलेर सकुशल बाहिर निस्कन सफल भएको प्रहरीले जनाएको छ ।