काठमाडौं । टी-२० विश्वकप क्रिकेटमा दक्षिण अफ्रिकाविरुद्ध नेपालले एकै ओभरमा दुई विकेट गुमाएको छ ।

आठौं ओभरको दोस्रो र चौथो बलमा नेपालले विकेट गुमाएको हो । ७ ओभरमा ३५ रनको साझेदारी गरिरहेका कुशल भुर्तेल आठौं ओभरको दोस्रो बलमा बोल्ड भएका थिए ।

भुर्तेलले २१ बलमा एक छक्का र एक चौकासहित १३ रन जोडे । यसपछि क्रिजमा आएका कप्तान रोहितकुमार पौडेललाई पनि दक्षिण अफ्रिकाका तब्रिज साम्सीले बोल्ड गरे ।

दक्षिण अफ्रिकाले दिएको ११६ रनको लक्ष्य पछ्याइरहेको नेपालले ८ ओभरको खेल सकिदा दुई विकेट गुमाएर ३६ रन बनाएको छ ।