सिराहा । अख्तियारको कर्मचारी हुँ भन्दै विद्यालयहरूमा गएर शिक्षक तथा कर्मचारीलाई विभिन्न त्रास देखाएर धम्क्याएको आरोपमा एक जनालाई प्रहरीले नियन्त्रणमा लिएको छ । फरक–फरक नाम र ठेगाना बताउने उनलाई प्रहरीले गोलबजार नगरपालिका–३ स्थित आधारभूत विद्यालय जरुवाबाट पक्राउ गरेको हो ।

इन्स्पेक्टर कार्कीले विभिन्न विद्यालयबाट यस्ता सूचनाहरू आइरहेका भए पनि आज शिक्षकहरूको सहयोगमा नियन्त्रणमा लिन सफल भएको बताए । नियन्त्रणमा लिए पनि उनको व्यक्तिगत विवरण खुल्ने कुनै कागजात फेला नपरेकाले यकिन गर्ने कार्य भइरहेको उनले बताए । पक्राउ परेका व्यक्ति गोलबजार, मिर्चैया, सुखीपुर लगायत क्षेत्रका विद्यालयहरूमा पुग्ने र शिक्षक तथा कर्मचारीलाई त्रसित पार्ने गरेको पाइएको प्रहरीले जनाएको छ ।