वीरगन्ज – पर्सा प्रहरीले १० कठ्ठा खेतमा लगाइएको गाजाको विरुवा नष्ट गरेको छ । पर्साको ठोरी गाउपालिकाको वडा नम्बर ३ र ४ मा अवैध रुपले लगाइएको गाजाको विरुवा प्रहरीले नष्ट गरेको प्रहरी नायब उपरीक्षक कुमार विक्रम थापाले बताए । बुधबार प्रहरी निरीक्षक सन्तोष राईको कमान्डमा खटिएको टोलीले करिब ८ हजार गाजाको बोट नष्ट गरेको पर्सा प्रहरी प्रवक्ता समेत रहेको थापाले जनाए ।
गाजा खेतीमा संलग्न व्यक्तिहरुको पहिचान तथा खोजतलास गरि कानून बमोजिम कारवाही गरिने प्रहरीले जनाएको छ । ‘१० कठ्ठा जग्गामा लगाइएको करिब गाजाका करिब ८ हजार बोट नष्ट गरिएको छ,’ प्रहरी नायब उपरीक्षक थापाले भने, ‘अवैध रुपले गाजा खेतीमा संलग्न रहेकाको पहिचान गरि कारवाही गरिने छ ।’