वीरगन्ज – चितवन राष्ट्रिय निकुञ्जमा दुईवटा गैडा मृत अवस्थामा भेटिएका छन् । चितवन राष्ट्रिय निकुञ्जको सौराहा सेक्टर अन्तर्गत चपरचुली देखि झण्डै साढे तीन किलोमिटर दक्षिणपूर्वको कोर क्षेत्रमा दुईवटा पोथी गैडा मृत भेटिएका हुन् ।

अन्दाजी १८ र ६ बर्षका दुई पोथी गैडा मारी दुवै गैडाको खाग तस्करले लगेको अवस्थामा भेटिएको निकुञ्जका सूचना अधिकारी गणेशप्रसाद तिवारीले जनाउनुभयो ।

तस्करले एक सय मिटरको फरकमा दुईवटा अलग-अलग खाल्डोको धराप पारेर गैंडा मारी खाग लगेको पाइएको प्रवक्ता तिवारीले बताउनुभयो । तिहारको मौका पारेर केही दिन अगाडि तस्करले गैंडा मारेको हुनसक्ने आशंका गरिएको छ ।