पर्सा– पर्साको कालिकामाई गाउंपालिकामा सक्षम जनप्रतिनिधी नहुदा पालिका अस्तव्यस्त बनेको छ । चालु आर्थिक वर्षको ११ महिना कर्मचारी र जनप्रतिनिधी बीच समन्यव्य नभएको कारण उपलब्धी मुलुक रहेन । आर्थिक वर्ष सकिन मात्र २२ दिन रहदा पालिकाको अधिकांश योजना संचालनपनि हुन सकेको छैन ।

पालिकामा कर्मचारीहरु नियमित कार्यालयमा नबस्ने, प्रमुख प्रशासकिय अधिकृतको सरुवा र शाखा प्रमुखको हेरफेरमा मात्र ११ महिना बितेको छ । विकाश निर्माणका साथै अन्य आवश्यक योजनाहरु अगाडी बढन सकेको छैन । प्रमुख प्रशासकिय अधिकृत अमित गिरीले आफनो सरुवा गराई जिराभवानी गाउंपालिकामा हाजिर भएको दुई साता वित्यो , चालु आर्थिक वर्षको १० महिना उनी कालिकामाईमा विताउदा केहि कर्मचारी भर्ना , एसी खरिद, भवन मर्मत, रंगरोदन, गाडी ,एम्बुलेन्स मर्मत लगायतमा ५ करोड भन्दा बढीको योजना मात्र संचालन हुन सकेको छ ।

गिरीको पालिकाबाट सरुवा भएतापनि उनी अहिले भुमिगत भएर योजनाहरुको कार्यादेश तथा भुगतानी गरिरहेको एक वडा अध्यक्षले बताए । पालिकामा कुनैपनि विधी र प्रकृया सम्बद्ध कार्य नभई आफनो मनोमानी मात्र गर्न खोजिएको गुनासो पोख्दै ती वडा अध्यक्षले भर्ने हाकिमको सरुवा गराउने रोकाउने मै ११ महिना वित्यो, अहिलेपनि त्यही चल्दै छ ,धैरै बजेट फ्र्रीज हुन्छ । ’ देश मै कान्छो पालिका अध्यक्ष पाउदा कालिकामाई गाउपालिकाको निकै चर्चा भएको थियो तर कान्छो मेयर सेरोमोनियल आदेशपालक मात्र भएको र उनलाई पछाडीबाट चलाउनेहरु राजनैतिक पुष्ठभुमिका नभई व्यवसायीक र अपराधीक व्यक्तीहरु भएकोले पालिकाको अवस्था दिनप्रतिदिन दैनिय बन्दै गएको जनगुनासो छ ।

जेष्ठको २४ गते संघिय मामिला तथा समान्य प्रशासन मन्त्रालयले कालिकामाईको प्रमुख प्रशासकिय अधिकृतमा नमोनाथ प्रसाद यादवलाई पठाएपनि पालिकामा हाल सम्म उनलाई हाजिर गर्न दिएको छैन । पालिका कार्यालयबाट हाजिरी ,दर्ता चलानी पुस्तीका गायब पारिएको छ । अमीत गिरीको सरुवा गराउन पालिका अध्यक्ष सहितका केहि जनप्रतिनिधी महिनो सम्म राजधानी वास बसे तर भएन , धरैजसो वडा अध्यक्ष र सदस्यले गिरीको सरुवा हुनु हुदैन भनेमा सहि गरेर दिएका थिए ।

अहिले गिरीको सरुवा भएपछि अध्यक्ष र उनी पक्षधर वडा अध्यक्ष र सदस्यहरु जसरी पनि आर्थिक मशान्त सम्म काम गर्दिन गिरीको हारगुहार गर्दैछन र यादवलाई हाजिर हुन बाट रोकदै छन । अधिकृतको सरुवा गराउने र रोक्नेमा वर्ष विताएका जनप्रतिनिधीहरुका कारण पालिकाको शिक्षा , स्वास्थ, कृषी,समाजिक विकाश लगायतका योजना तथा दैनिक कामकाज,सेवा प्रवाह नराम्रो संग प्रभावित बनेको छ । शिक्षक र स्वास्थयकर्मी लगायत वडा वडाका कर्मचारीहरुले तलब नपाएपछि समस्या खेपीरहेको बताएका छन ।