वीरगन्ज महानगरमा बढ्दो बेरोजगारी, ४८ वटा पदका लागि १७ सय जनाको आवेदन
जसमध्ये सबैभन्दा बढी कम्प्युटर अपरेटरका लागि दरखास्त परेको छ । कम्प्युटर अपरेटरमा सबैभन्दा धेरै १ हजार ४८० जनाको आवेदन परेको महानगरका प्रमुख प्रशासकीय अधिकृत लक्ष्मी प्रसाद पौडेलले जानकारी दिनुभयो ।
वीरगन्ज– आर्थिक तथा व्यापारिक नगरी वीरगन्जमा पछिल्लो समय बेरोजगारी बढेको पाइएको छ । गत माघ अन्तिम साता महानगरपालिका कार्यालयले विभिन्न पदका लागि आह्वान गरेको सूचनाको आधारमा करिब एक हजार ७ सय जनाले आवेदन दर्ता गराएका छन् ।
महानगरपालिकाले ४८ पदका लागि कर्मचारी आवश्यक रहेको भन्दै दरखास्त आवेदन दिन आह्वान गरेको थियो । खुला प्रतिष्पर्धा बाट करारमा दक्ष जनशक्ति पदपूर्ति गर्नु पर्ने भएकाले महानगरले गएको माग २५ गते सूचना प्रकाशित गर्दै दरखास्त आह्वान गरेको थियो ।
जसमध्ये सबैभन्दा बढी कम्प्युटर अपरेटरका लागि दरखास्त परेको छ । कम्प्युटर अपरेटरमा सबैभन्दा धेरै १ हजार ४८० जनाको आवेदन परेको महानगरका प्रमुख प्रशासकीय अधिकृत लक्ष्मी प्रसाद पौडेलले जानकारी दिनुभयो ।
चौंथो तहको कम्प्युटर अपरेटरमा ३३ जनाका लागि महानगरले दरखास्त आह्वान गरेको थियो । ३३ जना चौंथो तहको कम्प्युटर अपरेटर माग भएकोमा यसैमा सबैभन्दा धेरै दरखास्त परेको छ, उहाँले भन्नुभयो, अन्य पदहरुमा पनि माग भन्दा धेरै नै आवेदन परेका छन् ।
आवेदन बुझाउने बिहीबार अन्तिम दिन सम्ममा विभिन्न पदमा १ हजार ६ सय ८२ जनाले आवेदन बुझाएको पौडेलले जानकारी दिनुभयो । २ जना सिभिल इन्जिनियरको माग भएकोमा २४ जनाको आवेदन परेको छ । यस्तै १÷१ जनाको माग भएको रोजगार सहायक र कम्प्युटर इन्जिनियर पदमा क्रमश २८ र ३१ जनाको आवेदन परेको छ ।
अमीन सहायक चौंथोका लागि ११ जना माग भएकोमा ११९ जनाको आवेदन परेको छ । परीक्षा मिति भने अहिले तय भइ नसकेको र केही दिनमा सार्वजनिक गरिने प्रमुख प्रशासकीय अधिकृत पौडेलले बताउनु भयो ।
वैशाख–जेठमा विराटनगर, वीरगन्ज, जनकपुर, सिमरा, भैरहवा, नेपालगन्ज र धनगढीमा तापक्रम ४०–४४ डिग्री सेल्सियस पुग्ने गरेको छ । विश्वव्यापी तापक्रम वृद्धिका कारण पनि नेपालमा पछिल्ला दशकमा लु बढिरहेको ठानिन्छ । तर, कुन स्तरमा लु बढिरहेको छ भनेर सरकारी अध्ययन छैन । जल तथा मौसम विज्ञान विभागका मौसमविद् सुदर्शन हुमागाईं भने नेपालमा लु चलेको लेखाजोखा गत वर्षबाट मात्र गरिएकाले विश्वव्यापी तापक्रम वृद्धिसँग जोडेर हेर्न नमिल्ने बताउँछन् ।
जिल्लाको गुल्मीदरबार गाउँपालिका वडानम्बर-४ बिरबासस्थितमा रुङखादह सामुदायिक जंगलमा लागेको आगो विद्युत सब–स्टेसन परिसरमा पुग्दा त्यहाँ रहेका तारहरु जलेर नष्ट भएको नेपाल विद्युत प्राधिकरण गुल्मी वितरण केन्द्रका प्रमुख अर्जुन पोखरेलले बताए ।
विशेष सूचनाको आधारमा प्रहरीले मंगलबार वीरगन्ज १६ रजतजयन्ती चोक स्थित सडकखण्डबाट ३१५ पिस कुर्ता सुरुवाल, ८०२ पिस टप्स, मोबाईलको कभर, डिस्पले, चार्जर, डाटा केबल, एक हजार ३ सय ८८ केजी प्याज बरामद गरेको थियो ।
वीरगन्ज महानगरपालिका वडा नम्बर १० निवासी सन्दीप रौनियारले आइतबार विहान ३ बजेतिर किंगस क्यासिनोको वेटरलाई खरबुजा नदिएको निहुमा गालीगलौज गर्दै गालामा एक थप्पड हिर्काएको दृश्य बाहिरिएको हो ।
प्रतिक्रिया दिनुहोस्