वीरगन्ज– पर्साको प्रतिनिधी सभा निर्वाचन क्षेत्र नम्बर १ बाट जनता समाजवादी पार्टीका प्रदीप यादव दोहोरिएर निर्वाचित भएका छन् । यादव निर्वाचित भएसँगै पर्सा १ मा २०४८ देखि बन्दै आएको एउटा रेकर्डको क्रमभंग भएको छ । पूर्व मन्त्री प्रदीप यादवले एक हजार ६ सय २० मतले स्वतन्त्र उम्मेदवार अजय द्धिवेदीलाई पराजित गरेका छन् । कांग्रेसका पूर्व जिल्ला सभापति रहेका द्धिवेदीले टिकट नपाएपछि स्वतन्त्र उम्मेदवारी दिएका थिए ।
जसपा एमाले गठबन्धनका उम्मेदवार यादवले २२ हजार ५ सय ३७ मत ल्याएका छन् भने संविधानसभा सदस्य समेत रहेका द्धिवेदीले २० हजार ९ सय १७ मत ल्याएका छन् । सत्तारुढ वाम लोकतान्त्रिक गठबन्धनका उम्मेदवार लोकतान्त्रिक समाजवादी पार्टी (लोसपा) का लक्ष्मणलाल कर्णको जमानत जफत भएको छ । कर्णले १ हजार १ सय १७ मत पाएका छन् ।
२०४८ यता भएका हरेक निर्वाचनमा यस क्षेत्रमा एक पटक निर्वाचित संसद प्रतिनिधी दोस्रो पटक दोहोरिएका थिएनन् । बुधवार स्वतन्त्र उम्मेदवार अजय द्धिवेदीलाई पराजित गरि यादवले नयाँ रेकर्ड कायम गरेका छन् । यस अघि यो क्षेत्रबाट निर्वाचित प्रतिनिधी दोहोरिएर निर्वाचित भएका थिएनन् । यादव २०७४ मा भएको आम निर्वाचनमा समेत विजयी भएका थिए । त्यसबेला उनले कांग्रेसका अनिल रुंगटालाई पराजित गरि पहिलो पटक संसद प्रवेश गरेका थिए ।
मुलुकमा प्रजातन्त्र स्थापना भएपछि २०४८ मा भएको निर्वाचनमा पर्सा १ बाट कांग्रेसका आत्माराम ओझा निर्वाचित भएका थिए । २०५१ मा राष्ट्रिय प्रजातन्त्र पार्टीका राजीव पराजुली विजयी भए । २०५६ को निर्वाचनमा कांग्रेसले कृष्णप्रसाद भटराईलाई पर्साको १ बाट निर्वाचन लडाएको थियो । भावी प्रधानमन्त्रीको रुपमा प्रचार गर्दै चुनावी मैदानमा होमिएका भटराई जितेका थिए ।
चुनाव जितेर उनी प्रधानमन्त्री पनि भएका थिए । २०६४ मा भएको पहिलो संविधान सभा निर्वाचनमा तत्कालिन मधेशी जनअधिकार फोरमकी करिमा बेगम निर्वाचित भइन् । बेगमले कांग्रेसका राजेन्द्र बहादुर अमात्यलाई पराजित गरेको थिइन् । २०७० मा भएको दोस्रो संविधानसभा निर्वाचनमा अमात्यले बेगमलाई पराजित गरेका थिए ।
संविधान जारी भएपछि २०७४ मा भएको आम निर्वाचनमा तत्कालिन संघीय समाजवादी फोरमबाट प्रदीप यादव विजयी भएका थिए । यादवले जनताको बीचमा रहेर काम गर्दै आएकाले आफू दोस्रो पटक निर्वाचित भएको बताउँछन् । ‘अधुरा रहेका योजनाहरु पुरा गर्नेछौँ,’ उनले भने, ‘नागरिकताको मुद्दा सम्बोधन गराउन फेरि संसद भवनमा आवाज बुलन्द गर्ने छु ।’
विशेष सूचनाको आधारमा प्रहरीले मंगलबार वीरगन्ज १६ रजतजयन्ती चोक स्थित सडकखण्डबाट ३१५ पिस कुर्ता सुरुवाल, ८०२ पिस टप्स, मोबाईलको कभर, डिस्पले, चार्जर, डाटा केबल, एक हजार ३ सय ८८ केजी प्याज बरामद गरेको थियो ।
पालिकाको रेड बुक सार्वजनिक नगरि गोप्यरुपमा उपभोक्ता समिती बनाई आफनो नाता पर्ने व्यक्तिहरुलाई भुगतानी गर्ने, पहिलाको कर्मचारीलाई हटाई आफनो नातागोता वां कार्यकर्ता भर्ती गरेको आरोप लगाउदै स्थानियले सुचनाको हक प्रयोग गरि भुगतानी विवरण ,कर्मचारी भर्ना प्रकृया, लक्षित तथा समाजिक कार्यक्रमको विवरण भुगतानी,खरिद तथा खर्च विवरणको सुचना मांग गरेका छन ।
पर्साका प्रमुख जिल्ला अधिकारी दिनेश सागर भुषालले बाल कैदी सुधार गर्ने गृहहरुको व्यवस्थापन र विभिन्न नितिगत पक्षलाई नै सुधारको खाचो रहेको बताए । उनले निगरानी गर्ने विभिन्न सरोकारवालाको आवश्यक्ता भएपनि सुधारगृहको नितिगत निणर्य ,सुरक्षा, व्यवस्थापन तथा बजेट संचालन एउटै मन्त्रालयबाट भएमा सहज हुने सुभाव राखे ।
प्रतिक्रिया दिनुहोस्