कलैया– बारा क्षेत्र नं. ४ निवर्तमान सांसद एवम् हालका प्रतिनिधिसभा सदस्य पदका उम्मेदवार एकबाल मियाले व्यक्तिगत प्रचारलाई भन्दा कामलाई प्राथमिकता दिएको मतदाताले नै बताउन थालेका छन् ।
२०७४ सालको निर्वाचनमा निर्वाचित भएपछि जनतालाई मुख नदेखाएको भन्दै अन्य प्रतिस्पर्धी उम्मेदवारले चुनावी एजेण्डा बनाएको सुनेपछि मतदाताले आफैले सो कुरा खण्डन गर्न थालेका हुन् । मियाले निर्वाचनपछि मुख देखाउने भन्दा विकास निर्माणको कामलाई प्राथमिकतामा राखेर काम गरेको मतदाताको भनाई छ ।
‘अरु नेता हुल बाधेर हिड्छन्, काम गरेको भन्दा बढी प्रचार गरेका हुन्छन्’ अमलेखगंजका सुरेश मगरले भने ‘तर मियाले कहिल्यै त्यस्तो गरेको मैले थाहा पाईन् । आफ्नो प्रचार गर्ने भन्दा कामलाई प्राथमिकता दिएको देखे ।’ मियाले क्षेत्रको दुवैतर्फ विकास निर्माणको कामलाई प्राथमिकतामा राखेको र विभेद नगरेको मगरले बताए ।
मिया अघिल्लो पटक तत्कालिन राजपा (हाल लोसपा) बाट निर्वाचित भएका थिए । लोसपाको प्रभाव जीतपुरभन्दा उत्तरतर्फ कम छ । पार्टीको प्रभाव कम रहेको र कार्यकर्ता समेत सक्रिय नभएका कारण मिया आएको र फर्किएको प्रचार नहुने गरेको जीतपुरसिमरा २२ चकरीकी मुना थिङले बताईन् ।
‘नेता चुनाव जितेदेखीनै आईराख्नु हुन्थ्यो । यहाा पनि विकास निर्माण र जनताको आवश्यकता अनुसारको काम गर्नुभएको छ’ थिङले भनिन् ‘तर अर्को पार्टीको मान्छे नेताले मुख देखाएनन् भनेर भन्छन् । तर हामीलाई सत्यता थाहा छ ।’
उम्मेदवार मिया आफू समेत संगठन सक्रिय नभएका कारण उत्तरी क्षेत्रमा आफ्नो उपस्थितीले प्रचार नपाएको बताउछन् । आफूले कामलाई प्राथमिकता दिएको बताउदै मियाले प्रचार गर्नका लागि आफूले कार्यकर्ता बोकेर कहिल्यै पनि नहिडेको बताए ।
मैले प्रचार गर्न चाहेको भएर दुई गाडी कार्यकर्ता बोकेर जता पनि हिड्न सक्थे । तर मैले त्यसो गरिन’ मियाले भने ‘जनताले माग गरेका योजना आवश्यकता रहेनरहेको हेर्थे र आवश्यकता अनुसार योजना निर्माणको कामलाई प्राथमिकता दिन्थे ।’
आफूले उत्तरी क्षेत्रतर्फ जीतपुरसिमरा उपमहानगरपालिकाको अमलेखगंज, चकरी, मकरी, सिमरा, जीतपुर रामबन, बजनीलगायतका क्षेत्रमा शिक्षा, स्वास्थ्य, खानेपानी, सडकको क्षेत्रमा उलेख्य काम गरेको बताए । आफूले मुख नदेखाएको भन्दै जनतालाई झुक्याएर भोटको खेती नगर्न समेत प्रतिस्पर्धीलाई आग्रह गरेका छन् । मियाले दक्षिणतर्फ फेटा, परवानीपुर, प्रसौनी र कलैयालगायतको क्षेत्रमा गरेको कामलाई जनताले रुचाएको बताए ।
फेटा गााउपालिकाका रामपुकार दासले निवर्तमान सांसदको विषयमा दक्षिणतर्फ मुख नदेखाएको भन्ने गुनासो नरहेको सुनाए । उनले मियाले गरेको कामलाई जनताले रुचाएको र यसपटक पनि उम्मेदवार भएको देख्दा जनता उत्साहित रहेको बताएका छन् ।
जिल्लाको गुल्मीदरबार गाउँपालिका वडानम्बर-४ बिरबासस्थितमा रुङखादह सामुदायिक जंगलमा लागेको आगो विद्युत सब–स्टेसन परिसरमा पुग्दा त्यहाँ रहेका तारहरु जलेर नष्ट भएको नेपाल विद्युत प्राधिकरण गुल्मी वितरण केन्द्रका प्रमुख अर्जुन पोखरेलले बताए ।
मधेशको सबैभन्दा खतरानाक अवस्था रासायनिक मल हो । किसानको कुरा हामी गर्छौं । चर्को भाषण गर्छौं । सबै अर्थमन्त्रीहरूले रासायनिक मलको अभाव हुन दिँदैनौ भनेर भन्नुहुन्छ । कृषिमन्त्रीजी पनि आएर त्यसै फलाकीहाल्नुहुन्छ । बोल्नमा कोही पनि कम छैन ।
पालिकाको रेड बुक सार्वजनिक नगरि गोप्यरुपमा उपभोक्ता समिती बनाई आफनो नाता पर्ने व्यक्तिहरुलाई भुगतानी गर्ने, पहिलाको कर्मचारीलाई हटाई आफनो नातागोता वां कार्यकर्ता भर्ती गरेको आरोप लगाउदै स्थानियले सुचनाको हक प्रयोग गरि भुगतानी विवरण ,कर्मचारी भर्ना प्रकृया, लक्षित तथा समाजिक कार्यक्रमको विवरण भुगतानी,खरिद तथा खर्च विवरणको सुचना मांग गरेका छन ।
पर्साका प्रमुख जिल्ला अधिकारी दिनेश सागर भुषालले बाल कैदी सुधार गर्ने गृहहरुको व्यवस्थापन र विभिन्न नितिगत पक्षलाई नै सुधारको खाचो रहेको बताए । उनले निगरानी गर्ने विभिन्न सरोकारवालाको आवश्यक्ता भएपनि सुधारगृहको नितिगत निणर्य ,सुरक्षा, व्यवस्थापन तथा बजेट संचालन एउटै मन्त्रालयबाट भएमा सहज हुने सुभाव राखे ।
प्रतिक्रिया दिनुहोस्