वीरगञ्ज - पर्सा जिल्लाको निर्वाचन क्षेत्र नम्बर १ को (क)बाट स्वतन्त्र उम्मेदवारी दिनु भएका सुधिर पटेल प्रति उत्साहजनक जनलहर बढेको छ ।  अपराध मुक्त र भ्रष्टाचार मुक्त समाज निर्माणको अभियान सहित स्वतन्त्र उम्मेदवारी दिनु भएका युवा उम्मेदवार सुधिर पटेललाई आज घरदैलो कार्यक्रमको अवसरमा मतदाताहरुले साकारात्मक प्रतिकृया दिएका छन् ।

आज बिहान वीरगंज महानगरपालिका वडा नम्बर १३ मूर्लीमा घरदैलो कार्यक्रम संगै वडावासीहरुले पटेललाईनै मत दिने आश्वासन दिएका छन् । सुधिरलाई स्थानीयहरुले घरदैलो कार्यक्रममा सहयोग गर्दै स्वागत समेत गरेका थिए ।

मधेसको बजेटमा अनियमित्ता बढेको र भ्रष्टाचार समाप्त पार्ने तथा जनताको सेवक बनेर काम गर्ने बाचा स“गै स्वतन्त्र उम्मेदवारी दिएका सुधिर पटेलको पक्षमा जनताको व्यापक समर्थन देखिएको छ । मतदाताहरुका अनुसार आफुहरु यसपाली हुन गइरहेको प्रदेश सभा सदस्यको निर्वाचनमा स्वतन्त्र उम्मेदवार सुधिर पटेललाई नै मत दिने बताएका छन

। दुख, सुखका साथिको रुपमा पटेल स्थापीत भएकै कारण आफुहरु स्वतन्त्र उम्मेदवारलाई निर्वाचित गराउने प्रतिवद्धता जाहेर गरेका छन् । आफ्नो निर्वाचन क्षेत्रमा भ्रमण गर्दा यसपाली मतदाताहरुले पैसा, रक्सी, मासु आदिको प्रलोभनामा नपरी स्वतन्त्र रुपले विकासको कुरा गर्ने र त्यसलाई मूर्त रुप दिन आफूलाई रोज्ने विचार बनाई सकेको पटेलको बुझाई छ ।

जितेर गईसके पछाडी जनतलाई ठग्ने परिपाटीको आफूले अन्त्य गर्ने उनले बताए ।