वीरगञ्ज -  मंसिर ४ गते हुने निर्वाचनको प्रचार प्रसारका लागि पर्सा क्षेत्र नम्बर २ मा जसपा–एमाल गठबन्धनलकोे उम्मेदवार सहितको घरदैलो कार्यक्रम तीव्रगतिमा अघि बढाएको छ ।यसले जसपा–एमाल गठबन्धनलप्रति बढ्दो जनलहर देखिएको छ ।

जसपा–एमाले गठबन्धनबाट प्रतिनिधी सभाका साझा उम्मेदवार बनेका सुरेन्द्र कुर्मी र क्षेत्र २ को (ख) का उम्मेदवार हरेराम पटेल सहित नेता कार्यकर्ताले वडावडामा घरदैलो गर्ने क्षेत्रीयस्तरीय कार्यक्रम वीरगञ्ज १७ नम्वर (अलौं) वडामा सम्पन्न भएको छ । घरदैलोमा उम्मेदवारहरु छाता र सुर्यमा मतदान गर्न आग्रह गरेका थिए ।

क्षेत्रको विकशको लागि जसपा–एमाले गठबन्धन आवश्कयता रहेको प्रतिनिधी सभाका साझा उम्मेदवार कुर्मीले बताए । उनले घरदैलो अभियानका क्रममा जसपा–एमाल गठबन्धनलप्रति मतदाताको उत्साह देखिएको उम्मेदवार कुर्मीले बताए ।

‘हामीले चुनावी घरदैलो अभियानलाई निरन्तरता दिनेछौं । मतदाताको घरघरमा पुग्ने र भेटघाट गर्ने कार्यक्रम निरन्तर रहन्छ’ उनले भने ‘अहिलेसम्म हाम्रो जसपा–एमाल गठबन्धनलका उम्मेदवारहरूप्रति मतदाताको धेरै उत्साह देखिएको छ ।’

उनले घरघरमा आएर झुटा कुरा गर्ने, भ्रम फैलाउने र आश्वासनमात्रै दिने उम्मेदवारलाई भन्दा आफूहरूसँगै रहेर आफ्नो क्षेत्रको विकासको कामलाई पनि अघि बढाउने उम्मेदवारलाई मत दिन अपिल गरेको बताए ।

जसपा–एमाल गठबन्धनका उम्मेदवारहरूप्रति एकप्रकारको उत्साह पाएको उम्मेदवार कुर्मीले बताए । चुनावी घरदैलो कार्यक्रममा एमालेका मधेश प्रदेश सदस्य बिना शर्मा, अखिल नेपाल महिला संघ पर्साका अध्यक्ष इन्दु घिमिरे लगायत हजारौ जसपा र एमालेका नेता कार्यकर्ताको सहभागीता रहेको थियो ।