वीरगन्ज– वीरगन्ज महानगरपालिका वडा नम्बर २५ श्रीसिया खाल्वा टोलामा बुधबार विहान जनता समाजवादी पार्टी र एमालेको संयुक्त घरदैलोमा जनताको व्यापक भीड देखिएको छ ।

पर्सा क्षेत्र नम्बर २ का उम्मेदवार सुरेन्द्र कुर्मी र प्रदेश सभाका उम्मेदवार हरेराम पटेल, वडा नम्बर २५ का अध्यक्ष आशुतोष चतुर्वेदी सहित सयौँको सहभागितामा घरदैलो कार्यक्रम सम्पन्न भएको थियो ।

जसपा एमालेका उम्मेदवारलाई जिताउन मतदाताहरु आफै सहभागी भएका थिए । विगत देखिनै सामाजिक कार्यमा लागेका समाजसेवी नेता सुरेन्द्र कुर्मीको पक्षमा व्यापक जनमत देखिएको छ ।

समाजमा उनले गरेको लगानीले नै पहिलो पटक चुनावी प्रतिस्पर्धामा उत्रिदा पनि जनताको माया र साथ कुर्मीले पाएका छन् । जनताको सुख दुखमा कुर्मीले सधै साथ दिँदै आएका छन् ।