वीरगन्ज – जनता समाजवादी पार्टी (जसपा) र एमाले गठबन्धनले बुधबार पर्साको निर्वाचन क्षेत्र नम्बर २ अन्तर्गत पर्सागढी नगरपालिका वडा नम्बर ४ बर्वाटाडीमा घरदैलो कार्यक्रम गरेको छ ।

बुधबार विहान प्रतिनिधी सभाका उम्मेदवार सुरेन्द्र कुर्मी र प्रदेश सभाका उम्मेदवार रामनरेश यादवले वडा नम्बर ४ को भेडाहा, सबैया, टाडी, प्रशुरामपुर, सानो प्रशुरामपुर, बकनेरवा, बर्वाटाडी, छटैली हरदासपुर र धनुका हरदासपुर लगायतका टोलहरुमा घरदैलौ कार्यक्रम गरेका थिए ।

जसपा र नेकपा एमालेका साझाँ उम्मेदवार कुर्मी र यादव घरघरमा मतदाताहरूलाई भेटेर भोट दिन आग्रह गरेका थिए । घरदैलोका क्रममा प्रतिनिसभा का उम्मेदवार सुरेन्द्र कुर्मी र प्रदेश सभाका उम्मेदवार यादवलाई स्थानीयले स्वागत गर्दै जीतको शुभकामना पनि दिएका थिए ।

नेकपा एमाले पर्सागढी नगरपालिकाका नगर अध्यक्ष दुर्गा लामिछानेको नेतृत्वमा गरिएको घरदैलो कार्यक्रममा एमाले नेता शिव पटेल, जिल्ला सचीव तबरेज अहमद नगर सदस्य, हरि घिमिरे, प्रेम पहाडी र जसपा क्षेत्रीय उपाध्यक्ष मुमताज आलम लगायतको उपस्थिति रहेको थियो ।