वीरगन्ज– पर्सा निर्वाचन क्षेत्र नम्बर १ का उम्मेदवार लक्ष्मणलाल कर्णले आफ्नो पहलमा वीगन्जमा उच्च अदालतको अस्थायी इजलाश स्थापना भएको दाबी गरेका छन् ।

मंगलबार वीरगन्जमा आयोजित एक कार्यक्रममा लोसपा नेता कर्णले वीरगन्जमा इजलाशको स्थापना गराएर पर्सा मात्र नभई वारा र रौतहटका जनतालाई पनि न्यायमा पहुँचको सहजता दिलाएको कर्णले दाबी गरेका छन् ।

कर्ण सत्तारुढ वाम लोकतान्त्रिक गठबन्धनका उम्मेदवार हुन् । २०७४ को निर्वाचनमा कर्ण पर्साको क्षेत्र नम्बर ४ बाट विजयी भएका थिए ।
पाटन उच्च अदालतपछि सबै भन्दा बढी मुद्दा वीरगञ्जको उच्च अदालतमा रहेकोले यस अदालतको महत्व मुद्दाको चापले देखाएको बताउदै वीरगन्जमा अस्थायी इजलास ल्याउन आफ्नो महत्वपूर्ण भूमिका रहेको बताएका हुन् ।

केन्द्रीय राजनीति गर्ने मान्छेले देशको कुनै पनि क्षेत्रमा गएर निर्वाचन लड्न सक्ने हुनुपर्ने कर्णले बताए । कर्णले लोकतन्त्रमा सबैलाई चुनावमा उठ्ने अधिकार भएकोले सबैले चुनाव लडन पाउने बताए ।

आफू जित्नको लागि उठेकोले जितेर देखाउने ठोकुवा पनि गरे। कार्यक्रममा क्षेत्र नम्बर १ बाट स्वतन्त्र उम्मेदवार बनेका शंकर कुमार कर्णले आफ्नो उम्मेदवारी निष्क्रिय पारी लक्ष्मण लाल कर्णलाई समर्थन गरेको घोषणा गरेका थिए ।