वीरगन्ज– वीरगन्ज महानगरपालिका वडा नम्बर १७ अलौँको जुवाखालबाट प्रहरीले चारजनालाई नगद रपैयाँ सहित पक्राउ गरेको छ । वडा प्रहरी कार्यालय श्रीपुरको टोलीले कौडा खेलीरहेका चारजनालाई एक लाख १८ हजार रुपैयाँ सहित सोमबार राति पक्राउ गरेको प्रहरी प्रवक्ता दिपक गिरीले बताए ।
जिल्ला प्रहरी कार्यालय पर्साका अनुसार पक्राउ पर्नेमा अलौ निवासी २८ वर्षीय लक्ष्मी सहनी, ३० वर्षीय अनिल प्रसाद साह, ४० वर्षीय मुकेश गुप्ता र ३९ वर्षीय जाकिर मिया रहेका छन् । कौडा खेलीरहेको विशेष सूचना आएपछि सोमबार राति पौने १२ बजेको समयमा प्रहरी टोली अलौँ पुगेको थियो । कौडा खेलीरहेका ४ जनालाई नियन्त्रणमा लिई थप अनुसन्धान थालिएको प्रहरी उपरीक्षक रमेश कुमार बस्नेतले जानकारी दिए ।