वीरगन्ज– निर्वाचन आचार संहिता अनुगमन समिती पर्साले क्षेत्र नम्बर ३ र ४ मा मापदण्ड विपरित राखिएका उम्मेदवारहरूको तस्बिर अंकित बोर्ड, बैनर, झण्डा लगायतका प्रचार सामग्री हटाएको छ । क्षेत्र नम्बर ३ को बहुअर्वा, पोखरिया, झौवा तथा क्षेत्र ४ अन्तर्गत लंगडी, जानकीटोल, भिष्वा लगायतका चौकमा आचार संहिता विपरित राखिएको प्रचार सामग्री हटाईएको आचार संहिता अनुगमन अधिकृत रूद्र कार्कीले जानकारी दिनु भयो ।
कार्कीको नेतृत्वमा नेपाल प्रहरी ,शसस्त्र प्रहरी सहितको टोलीले अनुगमनको क्रममा निर्वाचन संहिता विपरितका चुनावी विज्ञापनलाई हटाएको हो । पहिलो चरणमा निर्वाचन आयोगले जारी गरेको प्रचार मापदण्डको अवहेलना गर्दै उम्मेदवारहरूले लगाएका बैनर , होर्डिङ बोर्ड , बैनर , पम्पलेट हटाउने र पछि फरि लगाईएको पाईएमा आयोगको निर्देशिका अनुसार कार्यवाही गर्ने अनुगमन अधिकृत रूद्र कार्कीले बताए ।