वीरगञ्ज – नेपाल सुशासन पार्टीले पर्सा क्षेत्र नम्बर ३ को (ख) का उम्मेदवार गौरीशंकर साहलाई जिताउन घरदैलो अभियानलाई तिव्रता दिएको छ । घरदैलो अभियानलाइ सम्बोधन गर्दै प्रदेश सभा सदस्य पदका उम्मेदवार साहले आफ्नो पक्षमा जनलहर उर्लेको बताएका छन् ।

चुनावी अभियान अन्र्तगत जनताको घरदैलो कार्यक्रममा निस्किएका उनले आफ्नो पक्षमा उर्लिएको जनलहरले क्षेत्र नम्बर ३ को (ख) मा धेरै बलियो देखिएको दावी गरेका छन् ।

घरदैलो कार्यक्रममा आम जनताले गरेको मायाबाट आफू ज्यादै उत्साहित भएको साहले बताए । उनले आफु चुनाव तित्नेमा कुनै शंङ्का नभएको समेत दावी गरेका छन् ।

क्षेत्रवासीको चाहनालाई सम्मान गर्दै समृद्ध क्षेत्र नम्बर ३ को (ख) मा निर्माण गर्न आफु आतुर रहेको र आम जनताको सहभागितालाई जोडेर दिर्घकालिन योजना र दृष्टिकोण सहित विकास कार्य गर्ने उनले बताए ।

शिक्षा,स्वास्थ्य,सडक, ढल, खानेपानी व्यवस्थापनमा आफु योजनाबद्ध तरिकाले लाग्नेमा उनले जोड दिए । उनले क्षेत्र नम्बर ३ को (ख) लाई नेपालकै उदाहरणीय क्षेत्र बनाउने गरी काम गर्ने प्रतिबद्धता समेत जनाए ।

स्थानीय जनताले यसपाली प्रदेश सभाका उम्मेदवार साहसहित प्रतिनिधि सभामा “आमा छापका” उम्मेदवारलाई जिताउने बचनबद्धता प्रकट गरेका छन् । पकहाँमैनपुर गाउँपालिका वडा नम्बर १ धोरेमा आज बिहीवार आयोजित चुनावी घरदैलो अभियानमा हजारौको सहभागिता रहेको थियो ।