वीरगन्ज - आउँदो मंसिर ४ गते हुने प्रतिनिधि सभा सदस्य र प्रदेश सभा सदस्य पदको निर्वाचन नजिकिदै जादा पर्सा क्षेत्र नम्बर ३ मा नेकपा एमाले प्रति जनलहर बढ्दै गएको छ ।

पर्सा क्षेत्र नं ३ मा एमालेका प्रतिनिधीसभा सदस्यका उम्मेदवार राजकुमार गुप्ताले चुनावी प्रचार तथा घरदैलो कार्यक्रमलाइ तिब्रता दिएसंगै यो क्षेत्रमा एमाले प्रवेश गर्नेहरुको लर्को लाग्न थालेको छ ।

चुनावी प्रचार प्रसार तथा घरदैलो कार्यक्रम कै बीच बुधबार पोखरिया नगरपालिकाको वडा नम्बर २ झाखारामा एमालेले आयोजना गरेको पार्टी प्रवेश कार्यक्रममा नेपाली कांग्रेस र लोसपा पार्टीका नेता सहित करिब तीन सय जना एमालेमा प्रवेश गरेका छन् ।

पोखरिया नगरपालिकाको वडा नं २ आयोजित पार्टी प्रवेश कार्यक्रममा नेपाली काँग्रेसका क्षेत्र नं ३ ९ख० प्रदेश कमिटीका उपाध्यक्ष रामप्रसाद यादव नेपाली कांग्रेस कै प्रभावशाली नेता शिव बचन प्रसाद यादव र लोसपाका नेता शिव पूजन साह गोढ सहित ३०० जनाले पार्टी परित्याग गरी एमालेमा प्रवेश गरेका हुन् । कार्यक्रममा नवप्रवेशीहरुलाइ एमालेका केन्द्रिय सदस्य एवंम पर्सा जिल्ला सह इन्चार्ज तथा संविधान सभा सदस्य समेत रहेका गुप्ताले फुलमाला लगाएर पार्टीमा स्वागत गरेका हुन् ।

कार्यक्रमलाइ सम्बोधन गर्दै प्रतिनिधीसभा सदस्य पदका उम्मेदवार गुप्ताले एमाले प्रतिको आकर्षण र जनलहर बढदै गएको बताए । जनताको सुख र ढुखमा साथ दिने र देश रक्षा एमाले नै गर्दै आएको र आगमी दिनमा पनि गर्ने भएकोले सुर्य छापमा आफ्नो मतदान गरी एमालेलाई विजय गराउन आग्रह गरे ।

पोखरिया नगरपालिकाको नगर कमिटी अध्यक्ष विधाचल ठाकुरको अध्यक्षतामा भएको पार्टी प्रवेश कार्यक्रममा प्रदेशसभा सदस्य ९क० का मंजूर अंसारी , पोखरिया नगरपालिकाका नगर प्रमुख प्रधुमन् चौहान , राष्ट्रिय युवा संघ नेपाल पर्सा जिल्ला अध्यक्ष महमद निजाम, जगरनाथपुर गाउँपालिका वडा नं ६ का वडा अध्यक्ष अयोध्या पटेल , नेता विकास पाण्डेय , राजेश रौनियार , धीरज चौरसिया , कृष्णा कुशवाहा , धामु शर्मा , सुनिल कुशवाहा , सन्तोष गिरी , लक्ष्मी कुशवाहा , लगायतको पनि सहभागीता रहेको थियो।