वीरगञ्ज : पर्सा क्षेत्र नम्बर ३ को (ख) मा नेपाल सुशासन पार्टीको तर्फबाट प्रदेश सभा सदस्य पदका उम्मेदवार बन्नु भएका गौरीशंकर साहले आफुहरुको जित सुनिश्चित रहेको बताउनु भएको छ ।

पकहाँमैनपुर गाउँपालिका ३ र४ नम्बर वडामा आज मंगलवार आयोजित चुनावी घरदैलो अभियानलाइ सम्बोधन गर्दै उहाँले अहिलेको चुनावी माहोल जित तिर लम्किरहेकाले आफुहरुको जित निश्चित भएको बताउनुभएको हो ।

साहले आफुहरुको जितसंगै क्षेत्रमा विकासको लहर ल्याउनले बताउनुभयो । आफुले विजयभए पश्चात हरगाउँ हरठाउँमा समान समाबेशी बिकासको योजना ल्याउने बताउनुभयो ।

चुनावी अभियान अन्र्तगत पकहाँमैनपुर गाउँपालिका ३ र४ नम्बर वडाका बिभिन्न टालमा घरदैलो सम्पन्न भएको छ । हजारौको उपस्थितिमा भएको घरदैलो कार्यक्रममा प्रदेश सभाका उम्मेदवार साहसहित प्रतिनिधि सभाका उम्मेदवारलाई स्थानीयबासीले जितको शुभकामना व्यक्त गरेका छन् ।

चुनावी अभियानका क्रममा प्रतिनिधि सभाका उम्मेदवार राजकुमार यादवले पनि जनता समक्ष आफुहरुलाई आमा छापमा मतदान गरी विजयी गराइदिन आग्रह गर्नुभएको थियो ।