वीरगञ्ज – पर्सा क्षेत्र नम्बर ४ मा नेपाली काँग्रेस प्रति जनलहर बढ्दै गएको छ । पर्सा ४ मा काँग्रेसका प्रतिनिधीसभा सदस्यका उम्मेदवार रमेश रिजालले चुनावी प्रचारलाइ तिब्रता दिएका छन् ।
यसैक्रममा सोमबार कालिकामाई गाँउपालिका वडा नम्बर २ भेडिहारीमा काँग्रेसले आयोजना गरेको पार्टी प्रवेश कार्यक्रममा नेकपा एकिकृत समाजवादीका प्रभावशाली नेता सहित करिब पाँच सय जना काँग्रेसमा प्रवेश गरेका छन् ।
कालिकामाई २ मा स्थानीय तह निर्वाचनमा नेकपा एकिकृत समाजवादीबाट वडा अध्यक्षमा चुनाव लडेका डाक्टर दिलिप कुशवाहाका साथै अन्य पार्टीका नेता कार्यकर्ताहरु काँग्रेसमा प्रवेश गरेका हुन् । कार्यक्रममा नवप्रवेशीहरुलाइ काँग्रेस केन्द्रिय सदस्य समेत रहेका रिजालले फुलमाला लगाएर पार्टीमा स्वागत गरे ।

काँग्रेसका क्षेत्रीय सचिव एंव जगरनाथपुर गाँउपालिकाका अध्यक्ष श्रीकान्त यादवको अध्यक्षतामा भएको पार्टी प्रवेश कार्यक्रममा सत्तागठबन्धनबाट प्रदेशसभा सदस्यका उम्मेदवारद्वय शंकर चौधरी र शेख चाँदतारा, काँग्रेस मधेस प्रदेशका महामन्त्री बृहस्पतिकृष्ण श्रेष्ठ , काँग्रेस पर्साका प्रवक्ता रमेश पाण्डे , जिल्ला कोषाध्यक्ष प्रेम थापा, महाधिवेशन प्रतिनिधीहरु बष्ठिनारायण कुर्मी, जिल्ला सचिव एंव वीरगन्ज महानगरपालिकाका उपमेयर इम्तियाज आलम , जिल्ला सहसचिव नवीन सिंह, युवा नेता राकेश यादव लगायतको पनि सहभागीता रहेको क्षेत्रीय सचिव बलिष्टर अहमदले जानकारी दिए ।