वीरगञ्ज – यही मंसिर ४ गते हुन गइरहेको प्रतिनिधि सभा र प्रदेश सभाको निर्वाचनमा बारा जिल्लाको क्षेत्र नं ४ प्रतिनिधि सभाको लागि विवेकशील साझा पार्टीको तर्फबाट युवा नेता सुनिल प्रसाद साहले उमेदवारी दर्ता गराउनु भएको छ। उनको राजनीतिक सुरुवात २०५७ साल देखि नै रामराजा सिंहको जनबादी नेपाल मुक्ति सेनाको सदस्यबाट भएको हो ।

उनले २०६२/६३ को जन आन्दोलनमा ९ दिनसम्म थुनामा बिताएका हुन। नेता साहले आफ्नो राजनीतिक यात्रालाई निरन्तरता दिँदै विभिन्न भ्रस्टचार विरुद्धको अभियान समेत चलाएका र जन्ताको सुख दुःखमा दिनरात खटने नेता साहलाई यसपालिको निर्वाचनमा जन्ताले भारी बहुमतले जिताउने आकलन गर्न सकिन्छ ।

 नेता साहले आफ्नो उमेदवारी यस क्षेत्रको दीर्घकालीन विकासको लागि, यहाँको शिक्षामा सुधारको लागि, युवाहरुको रोजगार र किशान साथिहरुको लागि रहेको बताए । उनले आफू २ दशक भन्दा बढी समय राजनीतिमा बिताएको र आफ्नो निरन्तर मेहेनेतको फल जन्ताले भोट दिए जित्याएर सेवाको मौका दिनेमा आफू विश्वस्त रहेको बताए ।

एक फरक प्रसङ्गमा नेता सुनिलले ठूलो पार्टीहरू जन्तालाई ठग्ने काम मात्र गरेको र यिनीहरूले देशलाई बर्बाद गर्नेतिर लागेको हुनाले यस्ता पार्टीहरूको कुरामा न लाग्न आग्रह गरे। उनको अनूसार आफू जितिसकेपछि यो क्षेत्रलाई देशकै नमुनाको रूपमा परिचित गराउने प्रतबद्धता जनाए ।