वीरगन्ज– सत्तारुढ गठबन्धनमा पर्सा निर्वाचन क्षेत्र नम्बर १ (क) प्रदेश सभाको सिट माओवादी केन्द्रको भागमा परेपछि कांग्रेसका युवा नेता सुधिर पटेलले स्वतन्त्र रुपमा उम्मेदवारी दिने घोषणा गरेका छन् ।

विगत १८ वर्षदेखि विद्यार्थी राजनीतिको सुरुवात गरि विभिन्न विद्यार्थी र प्रजातान्त्रिक आन्दोलनमा अग्रगामी भूमिका खेल्दै आएका पटेल वीगन्जको चर्चित युवा नेतामा मानिन्छन् । विद्यार्थी, तरुण, युवा तथा अग्रजहरुको सुख, दुख र हरेक समस्यमा काँधमा काँध मिलाएर सहयोग गर्दै आएका छन् ।

राजनीतिक दलले आफ्नो सिधान्त र नैतिकतालाई भुलेर जनतालाई बेवकुफ बनाउने योजनाका साथ विचार मिल्ने र नमिल्ने जुन सुकै दलसँग गठबन्धन गरि अगाडि बढेकाले मतदाताहरुले यसको डटेर सामना गर्नुपर्ने पटेलले बताएका छन् ।

पर्साको प्रदेश सभा निर्वाचन क्षेत्र नं. १ (क) मा गठबन्धनको विरुद्ध र मतदाताको लागि सक्षम विकल्पको रुपमा स्वतन्त्र उम्मेदवारी दिने घोषणा गरेको पटेलले जनाएका छन् । उक्त क्षेत्रका मतदाताले विकल्पको रुपमा आफूलाई रोज्ने उनले विश्वास लिएका छन् ।