वीरगन्ज– संविधान दिवसको अवसरमा वीरगन्ज कारागारबाट ३८ जना कैदीबन्दी रिहा भएका छन् । जसमध्ये ६ जना महिला रहेका छन् । सोमबार रिहा भएका कैदीबन्दीलाई जेलर मदन घिमिरेले टीका लगाएर बिदाई गरेका थिए ।
रिहा हुनेमा कर्तव्य ज्यान मुद्दाका १९ जना, ज्यान मार्ने उद्योगका ९ जना, सवारी ज्यानका तीन जना, लिखत सम्बन्धी कसुर/किर्ते मुद्दाका दुईजना, चोरीका दुईजना र डाँका, वन पैदावर काठ चोरी, हातहतियार मुद्दाका एक/एक जना रहेको वीरगन्ज कारागार कार्यालयले जनाएको छ ।