काठमाडौं - राष्ट्रपति विद्यादेवी भण्डारीले संविधान दिवसको अवसरमा ९९८ वटा पदक तथा विभूषण प्रदान गरेकी छन् । भदौ ३१ गतेको मन्त्रिपरिषद्को सिफारिसको आधारमा राष्ट्रपति भण्डारले नेपाल रत्नसहित विभिन्न ९९८ वटा विभूषण पदक प्रदान गरेकी हुन् ।जसमधये पर्साका ८ जना रहेका छन् ।

राष्ट्रपति कार्यालयका प्रवक्ता सागर आचार्यले विज्ञप्तिमार्फत राष्ट्रपति भण्डारीले संविधान दिवसमा संविधानको धारा २७७ को उपधारा १ बमोजिम पदक प्रदान गरेको जनाएका छन् ।

यता पर्सामा बिभुषित हुनेमा वीरगंजका उद्योगी,व्यपारि,डाक्टर ,स्वास्थ्यकर्मी रहेका छन । दिवसको अवसरमा वीरगञ्जका स्वतन्त्रता सेनानी स्व मेघराज उपाध्यायलाई प्रसिद्ध प्रबल जनसेवा श्री र व्यवसायी मुरलीधर रुंगटालाई प्रबल जन सेवा श्रीबाट विभूषित गरिएको छ ।

वीरगञ्ज उद्योग वाणिज्य संघका अध्यक्ष सुवोध कुमार गुप्ता, वीरगञ्ज हेल्थ केयर अस्पतालका सञ्चालक डाक्टर अबुल हैस अन्सारी, उद्योगीहरु अशोक कुमार वैद, दिपेन्द्र कुमार कलवारलाई प्रबल जनसेवा श्री बाट विभूषित गरिएको गृछ ।

त्यसैगरि नारायणी अस्पताल वीरगञ्जको नर्सिङ अधिकृत हेमा थापालाई जन सेवा श्री पदवीबाट सम्मान गरिएको छ ।