वीरगञ्ज – वीरगञ्जका युवा विशाल पटेलले मानव सेवा आश्रमलाई आर्थिक सहयोग गरेका छन । वीरगञ्ज महानगरपालिका वडा नम्बर १४ पिपरा निवासी विशाल पटलले आज सोमबार मनवसेवा आश्रम वीरगञ्जमा पुगेर पचास हजार नगदसहित फलफूल वितरण गरेका हुन ।

सडकमा अलपत्र रहेका बालबालिका तथा वृद्धवृद्धालाई गास, बास कपाससँगै उपचार सेवासमेत प्रदान गर्दै आएकोले मानव सेवा आश्रम वीरगन्जलाई आर्थिक सहयोग गरेको पटेलले बताए । पटेलले आश्रममा रहेका असहाय तथा दीनदुःखीका लागि आर्थिक सहयोग प्रदान गरेका हुन् ।

आश्रमका कर्मचारीलाई पचास हजर नगद हस्तान्तरण गर्दै पटेलले गरिब, असहाय, दीनदुःखीको सेवा नै साँचो अर्थमा मानवता रहेको बताए । उनले असहाय वृद्धवृद्धा, महिला, बालबालिकाको उद्धार गर्दै खान, बस्न र औषधोपचारको सुविधा प्रदान गरी आश्रमले मानवताको संवद्र्धन गरेको विचार व्यक्त गरे ।

कार्यक्रममा अनिल पटेल , मुनेश पटेल , मन्जय पटेल , सधेस पटेल ,राम पटेल ,विनय पटेल जयराम पटेल र आश्रमका प्रतिनिधिहरु को उपस्थिति रहेको थियो ।