वीरगञ्ज - राष्ट्रिय  युवा संघ नेपाल पर्साले आज विभिन्न पालिकाकामा  वडा कमिटी  गठन गरेको छ । केन्द्रिय कमिटीको सर्कुलर अनुसार बिभिन्न पालिकामा कमिटी गठन गरिएको संघका पर्सा ईन्र्चाज रवि गुप्ताले जानकारी दिए । संघले बहुदरमाई नगरपालिका वडा नम्बर ६ मा ओजिर देवानको अध्यक्षतामा  २१ सदसिय कमिटी  गठन गरेको छ । एमाले नेता शिव पटेलको प्रमुख आतिथ्यमा सम्पन्न बैठकले समिती गठन गरेको हो । त्यसैगरी संघले बिन्दवासनी गाँउपालिका वडा नम्बर १ मा मोहन साह तेलीको अध्यक्षतामा १७ सदसिय कमिटी गठन गरेको छ । पालिका प्रमुख गम्भिरा साहको प्रमुख आतिथ्यमा कमिटी गठन गरिएको थियो । त्यसैगरी पकाहामैनपुर गाँउपालिका वडा नम्बर १ मा धर्मेन्द्र यादवका अध्यक्षतामा २१ सदसिय कमिटी गठन गरिएको छ । गाँउपालिका ईन्र्चाज बिकाश पाण्डेको प्रमुख आतिथ्यमा सम्पन्न बैठकले २१ सदसिय कमिटी गठन गरेको पर्सा संयोजक गुप्ताले जानकारी दिए । बैठकमा संघका पर्सा अध्यक्ष महमद निजाम ,नेताहरु सागिर मियाँ , मनिष यादव , दिनेश साह लगायत कार्यकर्ताहरुको सहभागिता थियो ।