वीरगन्ज– वीरगन्ज महानगरपालिका वडा नम्बर २५ का युवा वडाध्यक्ष आशुतोष चतुर्वेदी महानगरपालिकाका महत्वपूर्ण दुईवटा समितिमा मनोनित भएका छन् । वीरगन्ज महानगरपालिका नगर कायपालिकाको जेठ २३ को निर्णय अनुसार वडाध्यक्ष चतुर्वेदीलाई सामाजिक शाखाको अनुगमन तथा सुपरिवेक्षण समितिको संयोजक तोकिएको हो ।

यसैगरि वडाध्यक्ष चतुर्वेदीलाई महानगर शिक्षा समितिको सदस्य पदमा समेत मनोनयन गरिएको छ । महानगर प्रमुख राजेशमान सिंहले गत साउन २३ मा वडाध्यक्ष चतुर्वेदीलाई शिक्षा समितिमा मनोनित गरेका थिए । तोकिएको जिम्मेवारी वडाध्यक्ष चतुर्वेदीले सफलतापूर्वक निर्वाह गर्ने नगरकार्य पालिका कार्यालयले विश्वास लिएको छ । साथै सक्रिय तथा रचनात्मक सहभागिताको अपेक्षा समेत गरेको छ ।