वीरगन्ज– वीरगन्ज महानगरपालिकामा धरानबाट सरुवा भई आएका नयाँ प्रमुख प्रशासकीय अधिकृतलाई सोमबार स्वागत गरिएको छ । धरान उपमहानगरपालिकामा कार्यरत रहि सेवा दिइरहेका लक्ष्मी पौडेल वीरगन्ज महानगरपालिकामा नयाँ प्रमुख प्रशासकीय अधिकृत भएका आएका हुन् । मेयर राजेशमान सिंह र उपमेयर इम्तियाज आलमले फुलमाला तथा दोसल्ला ओढाई पौडेलको स्वागत गरेका थिए । 

यस अघिका प्रमुख प्रशासकीय अधिृकत बलराम ढकाल एक महिनामै आफ्नो सरुवा गराई गएका थिए । जेष्ठ दोस्रो साता वीरगन्ज महानगरपालिकाका नव निर्वाचित जनप्रतिनिधीले पदभार ग्रहण गर्दा निश्चल पाण्डे महानगरको प्रमुख प्रशासकीय अधिकृत थिए । नवनिर्वाचित पदाधिकारी महानगर आएको केही दिनमै पाण्डे सरुवा मागेर वीरगन्जबाट गएका थिए । उनी गएपछि ढकाल आएका थिए । आर्थिक वर्षको अन्त्यमा ढकालपनि वीरगन्जबाट सरुवा मागेर अन्यत्र गएपछि पौडेल आएका हुन् । दुई महिना नबित्दै महानगरपालिकामा साउन ९ मा तेस्रो प्रमुख प्रशासकीय अधिकृतको रुपमा पौडेल आएका हुन् ।