काठमाडौं - नेपालमा पछिल्लो २४ घण्टाको अवधिमा थप ५३ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयका अनुसार २ हजार १२० नमुनाको पिसिआर तथा एन्टिजेन विधिबाट परीक्षण गर्दा सो संख्यामा कोरोना संक्रमित थपिएका हुन् ।

यो अवधिमा १ हजार १६२ नमुनाको पिसिआर परीक्षण गर्दा ३९ र ९५८ नमुनाको एन्टिजेन विधिबाट परीक्षण गर्दा १४ जनामा कोरोना संक्रमण पुष्टि भएको हो ।

आज संक्रमणबाट मृत्युदर शून्य छ भने २० जना संक्रमणमुक्त भएको मन्त्रालयको तथ्यांक छ । देशभर ३३३ जना सक्रिय संक्रमित रहेका छन् । उनीहरूको होम तथा संस्थागत आइसोलेसनमा उपचार भइरहेको मन्त्रालयले जनाएको छ ।