वीरगन्ज– शुक्रबार अपराह्न एक बजे सुरु हुने भनिएको पर्सागढी नगरपालिकाको सातौँ नगर सभा साँझ ५ बजिसक्दा पनि सुरु भएको छैन् । पर्सागढीका मेयर गोकर्ण पाठकले छलफल नै नगरि एकलौटी नगरसभा आयोजना गर्न लागेको भन्दै ६ वटा वडाध्यक्ष सहित २४ जना कार्यपालिका सदस्यले विरोध जनाएपछि नगरसभा सुरु हुन नसकेको हो । 

कार्यपालिका सदस्य अस्लम आलमका अनुसार मेयर पाठकले नीति तथा कार्यक्रम समेत सार्वजनिक गरेका छैनन् । छलफल नै नगरि एकलौटी रुपले आफू निकटका सदस्यलाई राखेर नगरसभा आयोजना गर्न लागेको आरोप लगाउँदै असन्तुष्ट पक्षले रोष्ट्रम घेराउ गरेका छन् । विषयगत समितिहरुमा समेत मेयर पाठकले आफू निकट वडाध्यक्ष र सदस्यलाई मात्र राखेका छन् ।