वीरगन्ज– एक महानगरपालिका, तीन नगरपालिका र १० वटा गाउँपालिका गरि १४ स्थानीय तह रहेको पर्साको एउटा पालिकामा मात्र पुरानो जनप्रतिनिधी दोहोरिएका छन् । बाँकी १३ वटा पालिकामा नयाँ जनप्रतिनिधी निर्वाचित भएका छन् । छिपहरमाई गाउँपालिकाको प्रमुखमा निर्वाचित भएका मनोज गुप्ता दोस्रो पटक गाउँपालिका प्रमुखमा विजयी भएका छन् । ०७४ को स्थानीय तहको चुनावमा माओवादी केन्द्रबाट छिपहरमाई गाउँपालिका प्रमुखमा विजयी भएका गुप्ता यसपाली एमालेबाट निर्वाचित भएका हुन् । मधेश प्रदेशको एकमात्र महानगरपालिका वीरगन्जको मेयर र उपमेयरमा ५ दलीय गठबन्धनका उम्मेदवार विजयी भएका छन । मेयरमा जसपाका राजेशमान सिंह र उपमेयरमा कांग्रेसका इम्तियाज आलम निर्वाचित भएका हुन् । निवर्तमान मेयर तथा एमालेका उम्मेदवार विजय कुमार सरावगीलाई जसपाका सिंहले २२ हजार ५ सय ४४ मतले पराजित गरेका हुन् । सिंहले ४६ हजार २१५ मत ल्याएका छन् भने सरावगीले २३ हजार ६ सय ७१ मत पाएका छन् । उपमेयरमा कांग्रेसका इम्तियाज आलमले लोकतान्त्रिक समाजवादी पार्टीका उम्मेदवार पुरुषोत्तम लाल झालाई २० हजार ५१० मतले पराजित गरेका छन् । आलमले ३० हजार ७८ मत ल्याएका छन् भने झाले ९ हजार ५६८ मत पाएका छन् ।
एमाले पहिलो पार्टी १४ वटा स्थानीय तह मध्ये ५ वटामा विजयी हासिल गरि एमाले पर्सामा पहिलो पार्टी बनेको छ । कांग्रेस र जनता समाजवादी पार्टीले ४/४ वटा पालिका प्रमुखमा र लोकतान्त्रिक समाजवादी पार्टीका उम्मेदवारले एउटा पालिकाको प्रमुखमा विजयी हासिल गरेका छन् । एमालले दुईवटा नगरपालिका र तीनवटा गाउँपालिकामा विजयी हासिल गरेको हो । पोखरिया नगरपालिका, पर्सागढी नगरपालिका, ठोरी गाउँपालिका, छिपहरमाई गाउँपालिका र सखुवाप्रसौनी गाउँपालिकामा एमालेका उम्मेदवार प्रमुखमा विजयी भएका हुन । पोखरिया, पर्सागढी र ठोरीको प्रमुख/उपप्रमुख पदमै एमालेका उम्मेदवार विजयी भएका छन् भने छिपहरमाई र सखुवाप्रसौनीको प्रमुखमा एमालेका उम्मेदवार विजयी भएका हुन् । छिपहरमाईको उपाध्यक्षमा कांग्रेस र सखुवाप्रसौनीको उपाध्यक्षमा जसपाका उम्मेदवार विजयी भएका छन् । पकाहामैनपुर, जीराभवानी, जगरनाथपुर र पटेर्वासुगौली गाउँपालिकाको प्रमुख र उपप्रमुख दुबै पदमा कांग्रेसका उम्मेदवार निर्वाचित भएका छन् । बीरगन्ज महानगरपालिका, बहुदरमाई नगरपालिका, धोबिनी र कालिकामाई गाउँपालिकाको प्रमुखमा जसपाका उम्मेदवार विजयी भएका छन् । वीरगन्जको उपमेयरमा कांग्रेस, बहुदरमाईको उपमेयरमा एमाले, धोबिनी र कालिकामाई गाउँपालिकाको उपाध्यक्षमा कांग्रेसका उम्मेदवार निर्वाचित भएका छन् । लोकतान्त्रिक समाजवादी पार्टी (लोसपा) ले जिल्लामा एउटा मात्र पालिका प्रमुखमा विजयी हासिल गरेको छ । विन्दवासिनी गाउँपालिका प्रमुखमा लोसपाका उम्मेदवार प्रमोद तिवारी निर्वाचित भएका छन् । उपाध्यक्षमा एमालेकी ज्योतीदेवी चौरसिया विजयी भएकी छन् ।
भारतमा उत्पादन हुने एभरेस्ट र एमडीएच ब्रान्डका केही प्याकेटबन्द मसलामा कीटनाशक एथिलिन अक्साइड भेटिएको हङकङको खाद्य सुरक्षा विभागले दाबी गरेको बीबीसीले जनाएको थियो ।
जल तथा मौसम विज्ञान विभागको मौसम पूर्वानुमान महाशाखाका वरिष्ठ मौसमविद राजु प्रधानाङ्गले आगामी तीन दिनसम्म तराई मधेशका जिल्लामा वर्षा गराउने प्रणाली नभएकाले गर्मी बढ्ने बताए । उनले अनलाइनखबरसँग भने, ‘गएको केही दिन अगाडि जुन किसिमले वर्षा भयो, त्यो वर्षाले तापक्रममा गिरावट भएको थियो । अब वर्षा गराउने प्रणाली नभएकाले आगामी दिनमा गर्मी बढ्ने देखिन्छ ।’
भगवान् विष्णुको छैटौँ अवतारका रुपमा अयोध्याका राजा दशरथका पुत्रका रुपमा श्रीरामको जन्म हुने भएपछि लक्ष्मी सीताका रुपमा उत्पत्ति भएको वर्णन विभिन्न ग्रन्थमा गरिएको छ । सीतालाई सत्यवती, पतिव्रता एवं आदर्श नारीका रुपमा सम्मान गरिन्छ।
काठमाडौं । नेपाल आयल निगमले पेट्रोल, डिजेल तथा मट्टितेलको मूल्य घटाएको छ । पेट्रोल प्रतिलिटर ७ रुपैयाँ तथा डिजेल र मट्टितेल ५ रुपैयाँले घटाएको निगमले विज्ञप्तिमार्फत जनाएको छ ।
प्रतिक्रिया दिनुहोस्