वीरगन्ज– केही छिटफुट घटना बाहेक पर्सामा करिब ७० प्रतिशत मतदान भएको निर्वाचन कार्यालय पर्साले जनाएको छ । मूख्य निर्वाचन अधिकृत धर्मराज पौडेलका अनुसरा पर्सामा केही छिटफुट घटना बाहेक शान्तिपुर्ण रुपले मतदान सम्पन्न भएको छ । यसैगरि वीरगन्ज महानगरपालिकामा करिब ७५ प्रतिशत मत खसेको छ । केही छिटफुट घटना बाहेक महानगरपालिकाको ३२ वडामा शान्तिपूर्ण रुपमा मतदान भएको सहायक प्रमुख निर्वाचन अधिकृत जयप्रकाश काफ्लेले जनाए । महानगरको मतपेटिका पिपरा स्थित श्री नृसिंह माविमा रहेको मतगणनास्थलमा ल्याउने काम सुरु भएको छ । वीरगन्ज महानगरको मतगणना भोलि मत्र सुरु हुने अधिकारीले बताएका छन् । सबै केन्द्रबाट मतपेटिका संकलन गरेर महानगरमा आजै मतगणना गराउने सम्भावना कम भएको मुख्य निर्वाचन अधिकृत धर्मराज पौडेलले जनाए ।