वीरगन्ज– वीरगन्ज महानगरपालिका वडा नम्बर २१ परवानीपुरको एमालेबाट वडाध्यक्ष हबीब मियालाई बदनाम गरि कानुनी जालोमा फसाउने षडयन्त्रको पर्दाफास भएको छ । परवानीपुरमा मतदातालाई चामल बाडेर प्रभावित पार्न खोजेको सूचनाको आधारमा प्रहरीले बिहीबार स्थानीय किराना पसलले उपेन्द्र गुप्तालाई नियन्त्रणमा लिएको थियो । प्रहरी कस्टडीमा रहेका गुप्तालाई रिहा गराउन वडाध्यक्षका उम्मेदवार मियाले दबाब दिइरहेको हल्ला समेत फैलाइएको थियो । 

तर, जब प्रहरी अनुसन्धानमा चामल वितरण गरेको केही प्रमाण भेटिएन् अनि केही समयको अन्तरालमै गुप्तालाई प्रहरीले रिहा गरिदिएको छ । जिल्ला प्रहरी प्रवक्ता डीएसपी ओमप्रकाश खनालले मतदातालाई चामल वितरण गरेको प्रमाण फेला नपरेपछि गुप्तालाई रिहा गरिएको जानकारी दिए । चुनावको मुखमा विपक्षी उम्मेदवारलाई फसाउने नियतले गलत सूचना दिएर दबाबका लागि बाहिर मिडियाबाजी गराएको प्रहरीले अधिकारीको बुझाई छ । निवर्तमान वडाध्यक्ष समेत रहेका हबिब मियाले केही व्यक्ति नियतवश आफूलाई बदनाम गराउन लागि परेको प्रतिक्रिया दिएका छन् ।