वीरगन्ज, २५ बैशाख – वीरगन्ज महानगरको नेकपा एमालेका मेयर उम्मेदवार विजय कुमार सरावगीले बाहुबली र गुण्डागर्दीलाइ बढावा दिनेहरुबाट सचेत रहन मतदाताहरुसंग अपिल गरेका छन् । वीरगन्ज महानगरपालिका वडा नम्बर १५ नगवामा आयोजित चुनावी सभालाइ सम्बोधन गर्दै सरावगीले जसपाका उम्मेदवारलाइ लक्षित गर्दै बाहुबली र गुण्डागर्दीलाइ बढावा दिनेहरुबाट सचेत रहन मतदाताहरुलाइ आग्रह गरेका हुन् ।
        उनिहरुसंग वीरगन्जको विकासको कुनै एजेण्डा नै नभएको जिकिर गर्दै सरावगीले बाहुबल र गुण्डागर्दी मात्र उनिहरुको पहिचान भएको आरोप लगाए । सरावगीले भने , ‘विपक्षीहरु जनतालाइ औंला देखाएर भाषण गर्दैछन् , औंला तोडि दिन्छु भन्छन् , भाषण गर्दा पनि बाहुबलीकै शैली अपनाइरहेका छन् ।’ हामी दुइ जना मिलि सक्यौ अब हामी सबैलाइ देखाइ दिन्छौ भन्दै हिडेकाहरुसंग वीरगन्जको विकासका लागि भने कुनै एजेण्डा नरहेको भन्दै सरावगीले भने , ‘विपक्षीहरुले वीरगन्जलाइ लुट्ने , वीरगन्जमा गुण्डागर्दीलाइ बढावा दिने संकल्प मात्र लिएका छन् , त्यो भन्दा अरु केहि भिजन छैन उनिहरुसंग ।
         ठेक्कामा लिए बापत स्वीमीङ पुल र मिना बजार कम्प्लेक्सको करोडौं बक्यौता रकम अहिले सम्म पनि महानगरपालिकालाइ नतिरेको आरोप पनि सरावगीले लगाए । योसंगै सवारी करको ठेक्कामा मुद्धा हारेपछि महानगरपालिकालाइ तिर्नु पर्ने १ करोड ५० लाख रुपैया पनि अहिले सम्म नबुझाएको सरावगीले आरोप लगाए । सरावगीले भने , ‘जुन मान्छेले महानगरपालिकाको ६/७ करोड रुपैया खाएर बसेको छ त्यो मान्छे यदि मेयर बन्यो त्यसले वीरगन्जको के विकास गर्छ ? जनताले यो कुरा बुझन जरुरी छ ।