वीरगञ्ज १७ बैशाख – नेकपा एमाले वीरगञ्न महानगरपालिका वडा नं. १ बाट चुनावी घरदैलो अभियानलाई तिव्रता दिएको छ । नेकपा एमालेका उम्मेदवारहरुलाई जिताउन घरदैलो अभियानलाई तिव्रता दिएको हो । नगरप्रमुखका उम्मेदवार विजय कुमार सरावगी एवं उपप्रमुखका उम्मेदवार पुरुषोत्तम लाल झासहित वडाका पाँचै जना एमालेका उम्मेद्वार घरदैलोमा सहभागी छन् ।
‘आयो सूर्य आयो’ भन्दै विभिन्न नारासहित स्थानीय जनताले यसपाली मेयरसहित सबै पदमा सूर्य ध्वजावाहक उम्मेद्वारहरुलाई जिताउने बचनबद्धता प्रकट गरेका छन् । घरदैलो कार्यक्रममा एमालेका उम्मेद्वार एवम् लोसपा उपप्रमुखका उम्मेदवार र वडा सदस्यका उम्मेद्वारहरुलाई स्थानीयबासीले जितको शुभकामना व्यक्त गरेका छन् ।
घरदैलो अभियान वडा नं. १ को टोल टोलमा पुगेको छ भने जहाँ जाँदा पनि जनताको अपार समर्थन मिलेको सरावगीले जानकारी दिनु भयो । भोट माग्दै उम्मेद्वारसहितको टोली छपकैयाका विभिन्न टोलमा पुगेको थियो । छपकैया बासिले यसपाली नेकपा एमालेका विकासप्रेमी एवम् सूर्य ध्वजावाहक उम्मेद्वारहरुलाई भोट दिने बताएका छन् । यसैगरी आज नेकपा एमाले वडा नम्बर १ छपकैया कमिटीले आयोजना गरेको पार्टी प्रवेश कार्यक्रममा विभिन्न पार्टी अगुवा राजनीतिक कार्यकर्ताहरु एमालेमा प्रबेश गरेका छन ।