सिमरा– स्थानीय तहको निर्वाचनका लागि बाराको जीतपुरसिमरा उपमहानगरपालिकाको नगरप्रमुखका लागि नेपाली काँग्रेसभित्रै चार जना नेताहरु आकांक्षी देखिएका छन् । पार्टीले उम्मेदवार चयन नगर्दै उनीहरुले खुलेर उपमहानगर प्रमुख पदमा आफ्नो दाबी तथा प्रसारप्रसार सुरु पनि गरिसकेका छन् । नेपाली काँग्रेसबाट अघिल्लो निर्वाचनमा नगरप्रमुखका उम्मेदवार कृष्णब्रत सिंह, उपप्रमुखकी उम्मेदवार निरु रायमाझी, निवर्तमान नगरसभापति श्यामबाबु गुप्ता र प्रदेशसभा सदस्यमा बारा क्षेत्र नंम्बर ४ (क) को उम्मेदवार ओमकृष्ण कार्कीले नगरप्रमुखमा दाबी गर्नु भएको हो । चारै जना आकांकीहरुले टिकटका लागि वडादेखि केन्द्रसम्म दौडधुप सुरु गरेका छन् । काँग्रेसले २०७४ को निर्वाचनमा जीतपुरसिमरा उपमहानगरको प्रमुख पदमा दोस्रो मत पाएको थियो । १६ जना उम्मेदवारमध्ये काँग्रेसका कृष्णब्रत सिंहले ११ हजार ९९५ मत ल्याउनु भएको थियो । नगरप्रमुखमा नेकपा एमालेबाट विजयी कृष्ण पौडेलले १४ हजार ८ सय ६५ मत र तेश्रो स्थानमा रहेर पराजित हुनु भएका माओवादी केन्द्रका राजन पौडेलले ११ हजार २ सय ५१ मत प्राप्त गर्नु भएको थियो ।बिगतको निर्वाचनमा प्रमुख र उपप्रमुख दुवै पदमा दोस्रो स्थान पाएको आधारमा जीतपुरसिमरामा सत्तारुढ गठबन्धनबाट काँग्रेसले नगरप्रमुख लिने र माओवादी केन्द्रलाई उपप्रमुख दिएर अगाडि बढ्ने काँग्रेसका स्थानीय नेताहरुले बताएका छन् । नगरप्रमुखमा काँग्रेसका आकांक्षीहरुले त्यहि अनुसार प्रचारप्रसारसमेत थालेका हुन् । तर २०७४ को निर्वाचन अनुसार वडागत संरचनामा २४ वटा वडामध्ये सबैभन्दा धेरै १० वटा वडामा माओवादी केन्द्र, ५ वटा वडामा नेपाली काँग्रेस, ७ वटा वडामा नेकपा एमाले र २ वटा वडामा तत्कालीन राजपा नेपालले जितेको थियो ।
न्याम्सले १०० सिट क्षमतामा एमबीबीएस अध्यापन गराउने र राष्ट्रिय चिकित्सा शिक्षा ऐन २०७५ अनुसार त्यसमध्ये ७५ प्रतिशत छात्रवृत्ति सिट छुट्याइने डा. बस्नेतले बताए । यसरी छुट्टाउँदा ७५ प्रतिशत छात्रवृत्ति दिने हिसाबले हेर्दा ४५० जनाले निःशुल्क अध्ययन गर्न पाउँछन् ।
सार्वजनिक महत्वको बिषयबस्तुमा भएको बेथिति र अनियमिततालाई प्रकाशमा ल्याउन संचारकर्मीलाई कुनैपनि बहानामा निषेध र आक्रमण गर्ने कार्य निन्दनीय रहेको ठहर गर्दै महासंघ पर्साका अध्यक्ष अनुप तिवारीले बिज्ञप्ती मार्फत दोषि शिक्षक शिक्षिकालाई कानुनी दायरामा ल्याई कारवाही गर्न सम्बन्धित पक्ष समक्ष माग गर्नुभएको छ ।
इन्स्पेक्टर कार्कीले विभिन्न विद्यालयबाट यस्ता सूचनाहरू आइरहेका भए पनि आज शिक्षकहरूको सहयोगमा नियन्त्रणमा लिन सफल भएको बताए । नियन्त्रणमा लिए पनि उनको व्यक्तिगत विवरण खुल्ने कुनै कागजात फेला नपरेकाले यकिन गर्ने कार्य भइरहेको उनले बताए । पक्राउ परेका व्यक्ति गोलबजार, मिर्चैया, सुखीपुर लगायत क्षेत्रका विद्यालयहरूमा पुग्ने र शिक्षक तथा कर्मचारीलाई त्रसित पार्ने गरेको पाइएको प्रहरीले जनाएको छ ।
प्रतिक्रिया दिनुहोस्