वीरगन्ज– रौतहटको गौर नाकाबाट ठूलो परिमाणमा कपडाको चोरी तस्करी भइरहेको खुलासा भएको छ । सोमबार राजस्व अनुसन्धान विभागले एउटौ ट्रकबाट ७६ लाख मूल्य बराबरको कपडा बरामद गरेको छ । उक्त ट्रकले गौरबाट चामल लोड गरेको देखाएर कपडा बोकेको थियो ।

राजस्व अनुसन्धान विभागले सानेपाबाट ७६ लाख रुपैयाँबराबरको अवैध रूपमा भित्र्याएको कपडासहितको ट्रक सोमबार नियन्त्रणमा लिएको छ । ट्रकमा चामल राखेको देखाएर राजस्व छलेको कपडाको चोरी पैठारी गरिएको थियो । विभागका महानिर्देशक नवराज ढुंगानका अनुसार ट्रकमा कुर्ता सलवार, सारी, धोतीलगायतका तयारी पोशाक रहेको छ ।

उनका अनुसार उक्त ट्रक गौरबाट काठमाडौंतर्फ आएको थियो । गौरदेखि नै पछ्याएर राजस्वको टोलीले चालकसहित ट्रकलाई पनि सानेपाबाट नियन्त्रणमा लिएको हो । खुला सीमाको फाइदा उठाएर तराइका नाकाहरूबाट चोरी पैठारीका सामान भित्र्याउने गरिएको छ ।

राजस्व अनुसन्धानका कार्यालय, बोर्डर आउट पोस्टमा ९बीओपी० मा सशस्त्र प्रहरी र नेपाल प्रहरीको चौकी ठाउँठाउँमा राखेपनि खुला बोर्डरको फाइदा लिएर गरिने चोरी पैठारी भने रोकिएको छैन । विभागका अनुसार एउटै ट्रकमा ठूलो परिमाण र लाखौं मूल्यको सामान बरामद भएको सम्भवतः यो घटना हो । कपडाधनीको खोजी भइरहेको विभागले जनाएको छ ।